Скумско
| Скумско Βράχος | |
|---|---|
  Скумско | |
|
Местоположба во областа   Скумско | |
| Координати: 40°21.9′N 21°5.24′E / 40.3650° СГШ; 21.08733° ИГДКоординати: 40°21.9′N 21°5.24′E / 40.3650° СГШ; 21.08733° ИГД | |
| Земја | Грција |
| Област | Западна Македонија |
| Округ | Костурски |
| Општина | Рупишта |
| Општ. единица | Рупишта |
| Надм. вис. | 1.040 м |
| Население | |
| • Вкупно | 33 |
| Часовен појас | EET (UTC+2) |
| • Лете (ЛСВ) | EEST (UTC+3) |
Скумско или Сконско (грчки: Βράχος, Врахос; до 1926 г. Σκούμτσικον, Скумцикон[1]) — село во Костурско, Егејска Македонија, денес во општината Рупишта во областа Западна Македонија, Грција. Има население од 33 жители (2011).
Географија[уреди | уреди извор]
Селото се наоѓа 25 км југозападно од општинското седиште Рупишта. Лежи во областа Костенарија, во северните пазуви на планината Одре, која пак е продолжеток на Грамушта.[2] На 1 км источно од селото во 2010 г. е изградено вештачкото Скумско Езеро со цел да се подобри водоснабдувањето и наводнувањето.
Историја[уреди | уреди извор]
Во Отоманското Царство[уреди | уреди извор]
Во минатото, Скумско било македонско село. Кон крајот на XIX век ова било село во село во Костурската каза населено од Грци Качауни. Во црквата „Успение на Пресв. Богородица“ во селото се зачувани икони од византиско време.[3] Според грчки извори, во 1905 г. Скумбцико имало 200 жители Грци.[4]
Во мај 1905 г. во Скумско настапила грчка чета и заробила и погубила 43 македонски печалбари на пат за Грција, меѓу кои осуммина жупанчани. Од нив преживеале само Зисо Потев и Томо Ч. Чачов од Жупаништа и Станко од Габреш.[5]
Според Георги Константинов Бистрицки Скумско пред Првата балканска војна се состоело од 25 грчки куќи,[6] а според Георги Христов и 1 влашка.[7]
Потпаѓање под Грција[уреди | уреди извор]
За време на Првата балканска војна селото било окупирано од грчка војска, а по Втората било припоено кон Грција. Во 1913 г. во Скумско се попишани 150, а во 1920 г. — 169 жители.[2] Во 1926 г. селото е преименувано во Врахос.
Население[уреди | уреди извор]
Во 1928 г. Скумско бележело пораст, кога е заведен 231 жител, за во 1940 г. да дојде до 285 жители.[2] Поради Грчката граѓанска војна населението во 1951 г. се смалило на 200 жители. Во 1961 г. во Скумско живееле 156 лица, а во 1971 г. населението опаднало на 74 жители. Ситуацијата се подобрила во следното десетлетија, при што во 1981 г. се попишани 136, а во 1991 г. — 150.[2] Сепак, во 2001 г. населението броело 67 лица, а во 2011 г. — само 33.
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 |
|---|---|---|---|---|---|---|---|---|
| Население | 285 | 200 | 156 | 74 | 136 | 150 | 67 | 33 |
- Извор за 1940-1991 г.: Т. Симовски, Населените места во Егејска Македонија
Стопанство[уреди | уреди извор]
Селото е планинско и сиромашно. Неговото население оди на печалба во други делови на Грција или во прекуокеанските земји.
Поврзано[уреди | уреди извор]
Литература[уреди | уреди извор]
- Γιώσσης, Χρυσόστομος. Ο Βράχος και τα Όντρια: λαογραφικά, – Αθήνα, 1998.
Наводи[уреди | уреди извор]
- ↑ Μετονομασίες των Οικισμών της Ελλάδας. Σκούμτσικον -- Βράχος
- ↑ 2,0 2,1 2,2 2,3 Симовски, Тодор (1998). Населените места во Егејска Македонија : географски, етнички и стопански карактеристики. II дел. Скопје: Институт за национална историја. стр. 41.
- ↑ „Δήμος Ορεστίδος“. Архивирано од изворникот на 2010-12-23. Посетено на 2021-08-15.
- ↑ „Mapping Migration in Kastoria, Macedonia. Vrahos“. Архивирано од изворникот на 2007-07-26. Посетено на 2019-11-04.
- ↑ Марков, Георги Христов. Хрупищко, Хасково, 2002, стр. 176 – 177.
- ↑ Бистрицки. Българско Костурско, Ксанти, 1919, стр. 8.
- ↑ Марков, Георги Христов. Хрупищко, Хасково, 2002, стр. 198.
Надворешни врски[уреди | уреди извор]
- Портал на Општина Рупишта Архивирано на 5 ноември 2019 г. (грчки)
| ||||||||||||||