Скудриње

Од Википедија — слободната енциклопедија
Прејди на прегледникот Прејди на пребарувањето
Скудриње
20090714 Galicnik Debar panoramic.jpg

Поглед кон Скудриње од селото Галичник

Скудриње is located in Македонија
Скудриње
Местоположба на Скудриње во Македонија
Координати 41°33′56″N 20°36′33″E / 41.56556° СГШ; 20.60917° ИГД / 41.56556; 20.60917Координати: 41°33′56″N 20°36′33″E / 41.56556° СГШ; 20.60917° ИГД / 41.56556; 20.60917
Регион Logo of Polog Region.svg Полошки
Општина Coat of arms of Mavrovo and Rostuša Municipality.svg Маврово и Ростуша
Население 2119[1] жит.
(поп. 2002)
Пошт. бр. 1257
Повик. бр. 042
Надм. вис. 662 м
Скудриње на општинската карта
Скудриње во Општина Маврово и Ростуша.svg

Атарот на Скудриње во рамките на општината
Commons-logo.svg Скудриње на Ризницата


Скудриње — село во Општина Маврово-Ростуше, во областа Долна Река, во околината на градот Дебар.

Географија и местоположба[уреди | уреди извор]

Скудриње е планинско село и потпаѓа под Општина Маврово-Ростуше. Се наоѓа во националниот парк Маврово, на источната страна од планината Дешат, новата населба се гради по течението на реката Радика, бидејки населението има забрана за градење на куќи кај што се наоѓа селото за да не се случи уривање на земјата.

Селото се наоѓа на надморска височина од 990 м, aтарот на селото е 9,3 км², шумите зафаќат површина од 617 ha, пасиштата што ги поседува селото зафаќат површина од 103 ha, обработливо земјиште селото има површина од 78 ha. Скудриње е последното село од областа Долна Река.

Селото е оддалечено 9 километри јужно од општинскиот центар Ростуша и 13 километри североисточно од Дебар. Населението на Скудриње има услови за контактирање поради работа, школување и слично со Ростуше, Дебар, Гостивар, Скопје, Струга и други градови.

Селото не е на регионалниот пат и од него е оддалечено 3,5 км, но има асфалтен пат до него. Воедно има и автобуската станица блиску до селото. Покрај автобуски превоз се користат комбиња и автомобили како такси возило.

Историја[уреди | уреди извор]

Селото прв пат во пишаните документи се споменува во пописот извршен од Османлиската Империја во 1466/67 година, под името Искудрина со 11 христијански семејства.

Етимологија[уреди | уреди извор]

За настанокот на името од село Скудриње има една легенда. Еднаш една баба и нејзината внука береле дрење и кога бабата седнала да се одмори ја викнала на својата внука да седне во скут да јаде дрење и од зборовите скут и дрење логички доаѓа „Скудриње”.

Стопанство[уреди | уреди извор]

Население[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Скудриње живееле 940 жители, сите Македонци муслимани.[2]

Од пописот во 1961 година селото броело 1027 жители, 1012 се декларирале како Турци, 11 Македонци, додека со пописот во 1994 имало 2126 жители од нив 1739 се декларирале Турци, 138 Македонци и 6 Албанци.

Според последниот попис на населението на Македонија од 2002 година, селото има 2.119 жители со што претставува најголемото село по број на жители во Долна Река. Целото население е со исламска вероисповед, но етнички во селото отсекогаш, па и денес живеат исклучиво Македонци, кои поради политичко-општествени причини дел се изјасниле за припадници како Турци. Сепак во најголем дел (78,9 %) се изјасниле дека македонскиот им е мајчин јазик.

Следува табела на националната структура на населението[3]

Националност Вкупно
Македонци 468
Турци 1 629
Роми 0
Албанци 5
Власи 0
Срби 0
Бошњаци 0
други 17

Мајчин јазик на населението:

Јазик Вкупно
македонски 1 672
турски 435
албански 3
други 9

На табелата е прикажан бројот на населението во сите пописни години:[4]

Година 1900 1948 1953 1961 1971 1981 1991 1994 2002
Население 940[2] 772 827 1.027 1.1236 1.616 2.102 2.126 2.119

Општествени установи[уреди | уреди извор]

  • Пошта (во која има еден вработен)
  • Амбуланта (со постојан лекар и медицинска сестра)
  • ОУ „Блаже Конески“ е изградено на почетокот на шеесетите години од минатиот век и работело како подрачно училиште сè до 1996 година кога заради зголемената популација на уцениците од подрачно училиште прераснало во самостојно основно училиште со две подрачни училишта во селата Присојница и Аџиевци. Број на вработени во училиштето има 25 лица и тие доаѓаат од Ростуше, Гостивар и Требиште, додека бројот на ученици е 247, а бројот на паралелки е 18. Од соседните села не доаѓат ученици. Училиштето располага со библиотека, но не поседува училишна кујна.
  • Месна заедница

Во Скудриње има 10 трговски објекти, во селото има 7 угостителски објекти вработените доаѓат од селото. Од религиозни објекти има една џамија, која е обновена во 1986/87 година.

Администрација и политика[уреди | уреди извор]

Културни и природни знаменитости[уреди | уреди извор]

Редовни настани[уреди | уреди извор]

Личности[уреди | уреди извор]

Култура и спорт[уреди | уреди извор]

Иселеништво[уреди | уреди извор]

Галерија[уреди | уреди извор]

Наводи[уреди | уреди извор]

  1. „Попис на Македонија“ (PDF). Завод за статистика на Македонија. 2002. конс. 30 март 2013. 
  2. 2,0 2,1 Кънчов, Васил. „Македония. Етнография и статистика“. София, 1900. стр.263.
  3. http://www.stat.gov.mk/publikacii/knigaX.pdf Попис во Македонија 2002. - Книга 10.
  4. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.

Надворешни врски[уреди | уреди извор]