Скопско (пиво)

За други значења на Скопско, погледнете Скопско.

Скопско пиво (1940 — 1970)

Чаша и шише скопско

Скопско — пиво што го произведува Пивара Скопје, а потекнува од 1924 година. Пивото има застапеност од 64 % на пазарот во Македонија^{[се бара извор]}. Неговите рекламни слогани се „Скопско, наше најдобро“, како и: „Скопско, и сѐ е можно“.

Производство и состојки

Пивото се добива со долно алкохолно вриење на јачменовиот слад. Има екстракт од 11 % (сува материја добиена од слад) и 4,9 % алкохол. Пивото има златно-жолта боја и цврста бела пена. Карактеристичниот горчлив вкус доаѓа од хмељот, кој покрај водата, јачменот и квасецот е четвртата основна состојка на пивото. Пивото е средно газирано со природен јаглерод диоксид и не содржи конзерванси. За заштита од расипување се користи единствено пастеризација, која претставува најприроден начин на стерилизација.

Во декември 2014 година, „Пивара Скопје“ започнала со производство и на темно пиво од марката скопско.

Скопско нефилтрирано

Пивара Скопје на пазарот во 2018 година го лансирала својот најнов пивски бренд — оригиналното скопско нефилтрирано пиво. Оваа нова екстензија на скопско, создадена според вкусовите на консументите, претставува уште една инвестиција на компанијата во развојот на пивската индустрија во Македонија.

„Најновиот член на скопско семејството спаѓа во „craft“ категоријата на пива, што како термин во пивската индустрија претставува мајсторство за пиво со сопствени и уникатно развиени рецептури. Скопско нефилтрирано е направено со најдобрите природни состојки и 4,9% алкохол, по оригиналниот традиционален рецепт на скопско.

Скопско нефилтрирано има нестандардна етикета од хартија која целосно го покрива шишето, што дополнително ги збогатува неговите природни и автентични особини, меѓутоа истовремено не дозволува никаква пропустливост на светлината, со цел пивото да остане свежо што е можно подолго.

Галерија

• 
  Скопско (смут) во пластична амбалажа.
• 
  Скопско радлер во лименки
• 
  Лименки од светло скопско и радлер
• 
  Скопско нефилтрирано пиво
• 
  Скопско темно

Поврзано

• Скопско радлер

• Скопско темно

• Скопско цреша
• Скопско смут

Надворешни врски

• Пивара Скопје
• Пивофест Прилеп Архивирано на 1 ноември 2018 г.
• Кригла Пиво Архивирано на 10 септември 2019 г.