Скопски револуционерен округ

Од Википедија — слободната енциклопедија
Прејди на: содржини, барај
Скопски револуционерен округ
Skopje Revolutionary District Montage.png
Идеологија Независна Македонија
Водачи Андреј Кожуваров
Бано Кушев
Петар Поп Арсов
Седиште Скопје
Подрачје на делување Вардарскиот дел на Косовскиот вилает
Дел од Македонска револуционерна организација

Скопски револуционерен округ, 6-ти Скопски револуционерен округ или по Илинденското востание исто така познат како и 6-ти востанички округ „Овче Поле“ бил дел од структурата на Македонската револуционерна организација. Округот бил со седиште во град Скопје а го опфаќал македонскиот дел тоест вардарскиот дел на Косовскиот односно Скопскиот вилает во регионот Македонија. Комитетот на округот имал формирано свои чети во Скопскиот, Кумановскиот, Овчеполскиот и Велешкиот регион. Едни од поистакнатите раководители на округот биле Андреј Кожуваров и Бано Кушев а најистакнат бил Петар Поп Арсов, самиот основоположеник на Македонската револуционерна организација.

Овој револуционерен округ земал активно учество во Првата балканска војна, Втората балканска војна и Првата светска војна, при што истата била неактивна се до 1919 година кога била возобновена како дел од Внатрешната македонска револуционерна организација на Тодор Александров.

На почетокот чети од овој округ дејствувале во градовите Велес, Кочани, Кратово, Крива Паланка, Куманово, Свети Николе и Тетово со околиите но по промените во организацијата односно формирањето на новата Внатрешна македонска револуционерна организација и доаѓањето на Тодор Александров на власт во 1919 година доаѓа до промена на границите на округот со што градовите во тогашните граници биле: Велес; Гостивар; Делчево односно Царево село; Кичево; Свети Николе; Скопје; Тетово и Штип.