Скопски каранфил
| Dianthus skopjensis | |
|---|---|
| Скопски каранфил | |
| Научна класификација | |
| Царство: | Plantae |
| Оддел: | Tracheophyta |
| Класа: | Magnoliopsida |
| Ред: | Caryophyllales |
| Семејство: | Caryophyllaceae |
| Род: | Dianthus |
| Вид: | Dianthus skopjensis |
Dianthus skopjensis — вид каранфил опишан од Кирил Мицевски. Dianthus skopjensis припаѓа на родот Carnation и семејството Caryophyllaceae.
Опис и распространетост
[уреди | уреди извор]
Повеќегодишно растение. Стеблото е вертикално, високо до 60 см, четириаглесто, густо покриено со распрснати куси влакна. Листовите имаат густи расперени влакна; базалните листови се линејни, плоскати, долги до 15 см, широки 2–4 мм, со 3–5 жилки. Стеблените листови се линејни, со многу жилки и најчесто покуси од интернодиумите. Лисните ракавци се долги 18–20 мм. Цветовите се собрани во топчести соцветија; обвивните лушпи се кожести, 'рѓести, елиптични или обратно јајцевидни, по рабовите набрани, голи, нагло преминуваат во долг осил кој стигнува до врвот на чашката или ја надминува. Има четири чашкини лушпи, напола покуси од чашката, кожести, обратно јајцевидни, 'рѓести, голи, по рабовите набрани, нагло преминуваат во кус осил долг (1,5) 2 (2,5) мм. Чашката е долга 9,5–12 мм, широка 2,5–3 мм, темно пурпурна, речиси црна, гола. Ламината на венечните ливчиња е пурпурна, долга 4 мм, широка 4,5 мм, во основата влакнеста, неправилно назабена.[1]
Расте по тревести места, брдски пасишта и камењари на варовничка подлога. Единствено познато наоѓалиште е околината на Скопје – над с. Нова Брезница, кај местото Козјак над реката Треска.[1]
Наводи
[уреди | уреди извор]
|