Си (река)

Од Википедија — слободната енциклопедија
Прејди на прегледникот Прејди на пребарувањето
Си
Xijiang Zhaoqing.JPG
Си во Џаоќинг
Zhujiangrivermap.png
Системот на Бисерната Река со реката Си
ЗемјаКина и Виетнам
Слив
Главен изворГуеј и Син во Вуџоу
Устиеделта на Бисерната река, Јужнокинеско Море
Физички особености
Проток
Принадлежности
Притоки

Си (кинески: 西江, пинјин: Xī Jiāng, Сиѓанг; кантонски јитпинг: Sai1 gong1, Сајгунг) или Западна Река — река во јужна Кина, западна притока на Бисерната Река. Се образува со слевањето на реките Гуеј и Син во Вуџоу, Гуангси. Реката потоа тече на исток низ покраината Гуангдунг, и навлегува во делтата на Бисерната Река веднаш источно од клисурата Лингјенг во Џаоќинг. Главниот тек на Си тече на југоисток низ делтата и се влева во Јужнокинеското Море кај Модао Мен, веднаш западно од Макао. Поважни градови по течението на Си се Вуџоу, Џаоќинг и Ѓангмен.

Другите две крупни притоки на Бисерната Река се Дунг (Источна Река) и Беј (Северна Река).

Си е пловна долж целото течение и претставува важна стопанска сообраќајница во јужна Кина, поврзувајќи ги градовите на делтата со внатрешноста на земјата. Пред повеќе од илјада години е прокопан каналот Лингќу, кој го поврзува сливот на Си (реката Ли, притока на Гуеј) со реката Сјанг, која се влева во Сината Река (Јангцекјанг), образувајќи непрекината сообраќајница од делтата на Бисерната Река до долината на Сината Река.

Целиот речен систем на Си е најголемиот меѓу сите притоки на Бисерната река. Долг е 2.197 км и има втор најобемен проток во Кина, веднаш по Сината Река. Служи за водоснабдување на многу места во Гуангси, Гуангдунг и Макао.

Постои и друга река со истото име, но таа е мала притока реката Ѓулунг северозападно од Сјамен.

Речен систем[уреди | уреди извор]

Речен систем на Си (закосени се реките што течат вон Гуангси)
Фучуан (富川江) Хе (贺江) Си (西江)
Ли (漓江) Гуеј (桂江)
Бејпан (北盘江) Хунгшуеј (红水河) Ќен (黔江) Син (浔江)
Нанпан (南盘江)
Жунг (融江) Љу (柳江)
Лунг (龙江)
Јоу (右江) Јунг (邕江) Ју (郁江)
Ѕуо (左江)

Поважни градови на Си[уреди | уреди извор]

Наводи[уреди | уреди извор]

  1. „Chapter 5: Plate D-6 — GES DISC“. NASA. конс. 27 февруари 2017. 

Надворешни врски[уреди | уреди извор]

Координати: 22°03′37″ СГШ; 113°28′45″ ИГД / 22.0602° СГШ; 113.4792° ИГД / 22.0602; 113.4792