Коалиција на радикалната левица

Коалиција на радикалната левица
Претседател	Стефанос Каселакис
Идеологија	Демократски социјализам, екосоцијализам, антикапитализам, антиглобализам
Мрежно место
http://www.syriza.gr
Знаме
Политика на Грција Политички партии Избори

Коалиција на радикалната левица (грчки: Συνασπισμός Ριζοσπαστικής Αριστεράς; позната и како СИРИЗА) — политичка партија од Грција. Главниот водач на партијата е Стефанос Каселакис.

Основање

СИРИЗА е формално основана пред парламентарните избори во 2004 година, меѓутоа коалицијата влече корени од организацијата Простор за дијалог за единство и заедничка акција на левицата (грчки: Χώρος Διαλόγου για την Ενότητα και Κοινή Δράση της Αριστεράς) која е основана во 2001. „Простор“ бил составен од различни организации на левицата, кои покрај идеолошките разлики, имале заеднички погледи на неколку најважни прашања како што се:

• спротивставување на неолибералните реформи на пензискиот и социјалниот систем на осигурување;
• спротивставување на новите антитерористички закони;
• подготвување за грчко учество на демонстрациите во текот на Самитот Г8 во Џенова 2001 година.

Поголемиот број членови на „Простор“ работеле на развивање на заедничка платформа која би довела до формирање предизборна коалиција. СИРИЗА е формирана во јануари 2004 година. Партиите кои ја основале коалицијата се:

• Синаспизмос (СИН);
• Обновена комунистичка еколошка левица (АКОА);
• Интернационална работничка левица (ДЕА);
• Движење за заедничка акција на левицата (КЕДА);
• Активни граѓани;
• останатите независни левичарски групи и активисти.