Сила Блек

Сила Блек
Сила Блек; РБИ
	Сила Блек во Амстердам, 1970
Роден(а)	Присила Марија Вероника Вајт; 27 мај 1943; Ливерпул, Англија
Починал(а)	1 август 2015 (возр. 72); Естепона, Шпанија
Почивалиште	Ливерпул
Занимање	Пејачка; ТВ водителка; глумица;
Активен период	1963–2015
Сопружник	Боби Вилис (в. 1969; died 1999)
Деца	4

Присила Марија Вероника Вајт (анг: Priscilla Maria Veronica White; 27 мај 1943 г – 1 август 2015), позната како Сила Блек (Cilla Black) ― англиска пејачка и телевизиска водителка.

Поддржана од нејзините пријатели Битлси, Сила својата пејачка кариера ја започнала во 1963 година. Во 1964 година, нејзините песни „Anyone Who Had a Heart“ и „You're My World“ се искачиле на врвот на топ листата во Обединетото Кралство. Од 1964 до 1971 година имала 11 топ 10 хитови на Британската топ листа, и уште осум кои се пласирале во топ 40. Истражувањето од BBC Radio 2, спроведено во мај 2010 година, покажало дека нејзината верзија на „Anyone Who Had a Heart“ бил најпродаван сингл во Велика Британија од женски изведувач во 1960-тите.^[1] Песната „You're My World“ исто така била популарна и во САД, и на Billboard Hot 100 се искачила на 26-то место.

Покрај успешната музичка кариера во 1960-тите и на почетокот од 1970-тите, Сила Блек имала сопствена емисија на Би-Би-Си, насловена Cilla (1968-1976). Кратко време глумела во комични играни филмови, а во 1980-тите и 1990-тите била популарна телевизиска водителка. Водела популарни забавни емисии како: Состанок на слепо (Blind Date) (1985–2003), Изненадување изненадување (Surprise Surprise)(1984–2001) и Момент на вистината (The Moment of Truth) (1998– 2001). Во 2013 година, Сила Блек го прославила јубилејот 50 години во шоу-бизнисот. ИТВ, во нејзина чест, на 16 октомври 2013 година емитувала специјална забавна програма насловена The One & Only Cilla Black. Во програмата учествувала и Сила Блек, а водител бил од Пол Огрејди.^[2]

Сила Блек починала на 1 август 2015 година (на 72-годишна возраст). Еден ден по нејзиниот погреб, компилацискиот албум The Very Best of Cilla Black се искачил на прво место на топ листата за албуми во Обединетото Кралство и на Новозеландската листа за албуми; ова бил нејзин прв албум на врвот на топ листите.

Дискографија[уреди | уреди извор]

Cilla (1965)
Cilla Sings a Rainbow (1966)
Sher-oo! (1968)
Surround Yourself with Cilla (1969)
Sweet Inspiration (1970)
Images (1971)
Day by Day with Cilla (1973)
In My Life (1974)
It Makes Me Feel Good (1976)
Modern Priscilla (1978)
Especially For You (1980)
Surprisingly Cilla (1985)
Cilla's World (1990)
Through The Years (1993)
Beginnings: Greatest Hits & New Songs (2003)
Cilla All Mixed Up (2009)

Книги[уреди | уреди извор]

Автобиографии[уреди | уреди извор]

Зачекори внатре (Step Inside)(1985), Лондон: Дент ;ISBN 0-460-04695-0
Низ годините (Through The Years) (1993), Лондон: Издавање на насловни книги
За што е сево ова? (What's It All About?) (2003), Лондон: Ebury Press ;ISBN 0-09-189036-5