Сиваш

Од Википедија — слободната енциклопедија
Прејди на прегледникот Прејди на пребарувањето
Сиваш
Гнило Море
Озеро Сиваш,Крым.JPG
Заливот Сиваш
Подрачје Азовско Море
Координати 46°05′ СГШ 34°20′ ИГД / 
Речни извори Салгир
Сливни земји Украина
Најг. должина 200 км
Најг. ширина 35 км
Површина &100000000000025600000002.560 км2
Прос. длабочина 0,5 - 1 м
Најг. длабочина 3 м
Соленост 22-87‰

Сиваш или Гнило Море (украински: Сиваш, Гниле Море, кримскотатарски: Sıvaş, Çürük Deñiz, Съваш, Чюрюк Дениз) - залив во западниот дел на Азовското Море. Тој го одделува полуостровот Крим од соседниот континентален дел. Низ него поминува границата меѓу Република Крим и Херсонска Област во Украина. Името Сиваш во превод од кримскотатарски јазик значи кал, нечистотија.

Географија[уреди | уреди извор]

Централниот дел на Сиваш

Сиваш е одделен од Азовското Море со долг и тесен песочен полуостров, наречен Арабатска Стрелка. Поврзан е со морето со два теснеци. Северниот е Генически Теснец, а јужно од него е и вториот теснец Промоин. Во најзападниот дел заливот ги заплиснува бреговите на Перекопскиот Мореуз, кој пак го одделува од Црното Море. Тесниoт Чонгарски Теснец го дели Сиваш на источен и западен дел. Се состои од 11 малку солени и многу солени заливчиња. Неговата должина изнесува околу 200 километри, а ширината едвај од 2 до 35 километра.

Површината на заливот е околу 2.560 км². Тој е исклучително плиток. Неговата најголема длабочина е околу 3 метра, а средната длабочина е едвај 0,5 — 1,0 метар. Во летните месеци водата силно се загрева и дава миризба на гнилеж. Од таа причина често се нарекува и Гнило Море. Поради интензивното испарување водата во заливот е со висока соленост. Околу 100 км² од вкупната површина на заливот се островчиња, а уште 560 км² периодично се покриени со вода.

Сиваш се полни со вода од Азовското Море и во многу слаба мерка од реките и потоците кои се вливаат во него. Бреговите му се ниски, рамни и мочурливи. Во текот на летото рабовите на бреговите се покриваат со сол.

Дното е покриено со слој кал со дебелина од околу 5 метра. Соленоста варира од 22 ‰ на север до 87 ‰ на југ. Водите на заливот са богати на хлорни соединенија, натриум, магнезиумов бромид, магнезиумов сулфат и други соли.

Вкупните залихи на сол се проценети на 200 милиони тони. По бреговите на заливот се наредени фабрики за добивање на сол, минерални соли и производство на фосфатни ѓубрива.

Флора[уреди | уреди извор]

Водите на заливот можат да добијат црвеникава боја што се должи на микроалгите Dunaliella salina кои не се растворливи во сол. Источните делови се со пониска соленост и се погодни за развој на трски и други растенија кои сакаат влага [1].

Големите острови во централниот дел на Сиваш се покриени со степска вегетација како лале, пелин, жалфија, Agropyron cristatum, виук[1].

Бреговите на заливот са обраснати од растенија отпорни на сол Salicornia, Tripolium, тегавец, Limonium, лобода[1].


Галерија[уреди | уреди извор]

Наводи[уреди | уреди извор]

  1. 1,0 1,1 1,2 V. Siokhin; I. Chernichko; V. Kostyushyn; N. Krylov; Yu. Andrushchenko; T. Andrienko; Ya. Didukh; V. Kolomijchuk; и др. (2000). Sivash: the lagoon between two seas. ISBN 9058829960. http://www.wetlands.org/Portals/0/publications/Brochure/WI_Sivash_2000.pdf. 

Надворешни врски[уреди | уреди извор]