Сент Џејмсис Парк

Сент Џејмсис Парк
Сент Џејмсис Парк;
Држава	Англија
Место	Њукасл на Тајн
Отворен	1892
Реновиран	1986–1987, 1992–1995,; 1998–2000
Сопственик	Њукасл Јунајтед
Гледачи	52.264
Категорија	УЕФА
Подлога	хибридна трева
Димензии	105 × 68 м
Игра	Њукасл Јунајтед (1892-денес)

Знак пред главниот влез на Сент Џејмсис Парк

Сент Џејмсис Парк — фудбалски стадион во Њукасл на Тајн, Англија.

Стадионот е дом на фудбалскиот клуб Њукасл Јунајтед и има капацитет од 52.264 седечки места,^[1] што го прави деветтиот најголем стадион во Англија.

Сент Џејмсис Парк е домашен терен на Њукасл Јунајтед од 1892 година и се користи за фудбал од 1880 година.^[2] Во текот на својата историја, желбата за проширување предизвикува конфликт со локалните жители и локалниот совет.^[3] Ова довело до предлози за преместување барем двапати кон крајот на 1960-тите,^[4]^[5] и контроверзно предложено преселување од 1995 година на блискиот Лизес Парк. Неподготвеноста за преместување довела до препознатливиот искривен изглед на асиметричните трибини на денешниот стадион.^[6]

Освен клупскиот фудбал, Сент Џејмсис Парк се користел и за репрезентативен фудбал, на Олимписките игри 2012,^[7] за рагби натпревари, како Magic Weekend, рагби јунион, Светско првенство, Премиершип и за тест натпревари на англиската рагби репрезентација, понатаму за добротворни фудбалски настани, рок концерти и како сет за филм и ријалити телевизија.