Сегозеро

Од Википедија — слободната енциклопедија
Прејди на прегледникот Прејди на пребарувањето
Езерото Сегозеро од вселената

Езерото Сегозеро (руски: Сегозеро, фински: Seesjärvi) претставува големо слатководно езеро во Република Карелија, северозападен дел на Русија. Се наоѓа на 63,3° севернa географска широчина и 33,75° источна географска должина. Реката Сегежа е голем одлив од езерото Сегозеро и се излева во езерото Вигозеро. Откако била изградена хидроцентралата на реката Сегежа, површината на Сегозеро се искачила од 815 км² на 906 км².

Сегозеро е езеро во Европскиот дел на Русија и по големина е рангирано на петнаесеттото место во државата.

Географска положба[уреди | уреди извор]

Сегозеро се наоѓа во крајниот северозападен дел на Источноевропската рамница, во централниот дел на Република Карелија, на 120 метри надморска висина. Ова езеро има глацијално-тектонско потекло. Сегозеро има протегање по должина од северозапад кон југоисток со вкупно 49 км и по ширина од југозапад кон североисток со вкупно 35 км. Бреговата линија на езерото е богата со многу заливи и полуострови. Бреговата структура му е разновидна: карпести предели со ниска структура. Околу езерото постојат шумовити предели со иглолисна шума Регионот Като Цајало е слабо совладлив и тешко достапен за минување. Постојат над 70 острови во Сегозеро со вкупна површина од 29 км², сместени главно во северниот дел.

Сегозеро е релативно длабоко езеро. Околу 19% од површината на водата на имал далбочин од 0 до 10 метри, 18,7% - од 10 до 20 метри, 36,9% - од 20 до 30 метри, 15,6% - од 30 до 40 метри, 5,7% - од 40 до 50 метри, 3% - од 50 до 60 метри и 1% - длабочина над 60 м.

Слив[уреди | уреди извор]

Слив на езерото заедно со одводниот слив е релативно мал и изнесува 7.480 км. Постојат многу реки што се влеваат во езерото и тоа: Лужма (Селецкаја), Волома (Сона), Санда, Пилва и други. Од најсеверната точка од југ на езерото истекува реката Сегежа.

Климатски и стопански карактеристики[уреди | уреди извор]

Температурата на површината на водата на езерото е 13 - 17 °C, а во длабочините околу 19 °C. На длабочина под 40 метри, температурата е константна и изнесува некаде од 5 до 6° С.

Сегозеро замрзнува пред да започне месецот декември, а се топи некаде во месец мај.

Стопанските карактеристики се од висока важност и вредност за население. Еезерото е пловно и по него може да се врши секаков вид на пловидба како за индустриски и стопански потреби така и за туризам и рекреација. На брегот на езерото има неколку населени места и тоа: Падани, Термани и Погост на западниот брег и Карелскаја Маселга и Великаја Губа на југоисточното крајбрежје.