Сашо Лазаровски
Сашо Лазаровски | ||
Роден | 4 мај 1978 Скопје, Македонија |
---|
Сашо Лазаровски (4 мај 1978, Скопје) - поранешен репрезентативец на Република Македонија во ватерполо, и актуелен претседател на Советот на Општина Карпош.[1]
Животопис[уреди | уреди извор]
Сашо Лазаровски е роден во Скопје, на 4 мај 1978 година. Дипломирал Меѓународни екомонски односи на Универзитетот за Национално и светско стопанство во Софија, Република Бугарија, во 2003 година, а во 2015 година, магистрирал на Универзитетот Гоце Делчев во Штип и се стекнал со звање магистер по економски науки од областа на МБА Менаџмент.
По дипломирањето, извршувал повеќе раководни функции, како: помошник директор и раководител во Јавното претпријатие за стопанисување со станбен и деловен простор на Република Македонија, економски промотор во Република Бугарија на Агенција за инвестиции на Република Македонија, како и директор на ЈП „Водовод и канализација“ Скопје. Функцијата заменик министер за локална самоуправа ја обавувал во период од август 2011 до април 2013 година.
Сашо Лазаровски е избран за претседател на Советот на Општина Карпош во април 2013 година.
Во рамки на својата политичка кариера и наобразба се стекнал со искуства и вештини од Политичката академија за меѓународни односи и дипломатија „Конрад Аденауер Штифтунг Академија“.
Лазаровски е поранешен репрезентативец на Република Македонија во ватерполо.
Наводи[уреди | уреди извор]
- ↑ „Официјална страница“. Архивирано од изворникот на 2017-05-07. Посетено на 2017-02-07.