Сараево сити центар
| Сараевски градски центар Sarajevo City Center | |
|---|---|
 | |
 | |
| Општи податоци | |
| Место | Сараево, Босна и Херцеговина |
| Координати | 43°51′19.38″N 18°24′27.69″E / 43.8553833°N 18.4076917°E |
| Почната | 28 октомври 2008 |
| Завршена | Април 2014 (трговскиот центар) |
| Висина | |
| Последен кат | 74 м (243 ст) |
| Технички податоци | |
| Катови | 18 (5 подземни) |
| Проектирање и изградба | |
| Архитект | Сеад Голош и др., Grupa Arh d.o.o. |
| Главен изведувач | ANS Drive d.o.o. |
Сараевски градски центар или Сараево сити центар — деловен комплекс и трговски центар во центарот на Сараево, Босна и Херцеговина, кој се состои од три главни дела: трговски центар и комплекс за забава; кула со хотел со пет ѕвездички; и кула со деловни канцеларии, со заеднички 4-катен подземен простор за паркирање со повеќе од 1100 паркинг-места.[1]
Градилиштето се наоѓа во населбата Маријин Двор, во близина на центрите на јавната администрација, како и историските (музеи), образовните (кампусот на државниот универзитет) и деловните (УНИТИК, кулата Аваз твист и слични) градби.[1] Јавниот превоз во близина овозможува пристап до стариот дел од градот за околу пет минути.[1]
Медиумската фасада на овој трговски центар, што се користи за емитување реклами, вести, најнови вести од спортот, временска прогноза, победнички натпревари, двонасочна комуникација, е најголемата во земјата и еден од најголемите видео билборди во Европа.
Со вкупна изградена површина од 105.410 квадратни метри, Сараевскиот центар е една од најголемите комерцијални деловни згради во Босна и Херцеговина по завршувањето на почетокот на 2014 година.
Трговски центар и забавен центар
[уреди | уреди извор]Трговскиот центар нуди светски познати брендови од модата, спортот и технологијата. Се простира на 49.500 квадратни метри и содржи околу 80 продавници.[2] Изнајмувањето простор и управувањето со трговскиот центар гои врши „Турк мол“.[2]
Забавниот центар е сместен на третиот (игралиште) и четвртиот кат (куглана, ласер, чукачки количиња, детска игрална, симулаторски игри, билијард), и тука се наоѓаат повеќе од 15 ресторани со повеќе од 550 седишта.[2]
Хотел
[уреди | уреди извор]Свисотел Сараево има 218 соби на 13.900 квадратни метри.[3]
Галерија
[уреди | уреди извор]
За време на изградбата во 2011 година
Во септември 2014 година
Поглед на комплексот од Еврејските гробишта
Трговскиот центар во 2023 година
Наводи
[уреди | уреди извор]- 1 2 3 „About Sarajevo City Center“. Архивирано од изворникот на 2024-12-04. Посетено на 17 јануари 2013.
- 1 2 3 „About Shopping center“. Архивирано од изворникот на 2024-12-04. Посетено на 17 јануари 2013.
- ↑ „Swissôtel Sarajevo“. Swissôtel. Посетено на 22 мај 2024.