Росен

Од Википедија — слободната енциклопедија
Росен
ΒΣιταριά
Поглед на селото Росен од патот кон Овчарани
Поглед на селото Росен од патот кон Овчарани
Росен is located in Грција
Росен
Росен
Координати: 40°47′N 21°23′E / 40.783° СГШ; 21.383° ИГД / 40.783; 21.383Координати: 40°47′N 21°23′E / 40.783° СГШ; 21.383° ИГД / 40.783; 21.383
ЗемјаГрција
ОбластЦентрална Македонија
ОкругЛерин
ОпштинаОвчарани
Заедница
 • Население714
Часовен појасEET (UTC+2)
 • Лете (ЛСВ)EEST (UTC+3)
Рег. таб.ΗΜ

Росен (грчки: Σιταριά, Ситарија, до 1926 година Ρόσνα, Росна) — леринско село во Егејска Македонија, Република Грција.

Географија и местоположба[уреди | уреди извор]

Селото Росен се наоѓа на ддесетина километри источно од Лерин, крај железничката пруга, расположено на надморска височина од 640 метри[2], крај реката Сакулева (Елешка). Со одлука од 1918 година тоа претеставувало самостојна општина во Леринската околија со атар кој опфаќал површина од 9 килокилометри квадратни[2].

Историја[уреди | уреди извор]

На основа на податоците запишани од Ѓорче Петров во 1896 година, селото Росен било чифлик во кое живееле 40 Македонци под духовенство на егзархијата[3]. Во своите статистики од 1900 година К’нчов го споменува селото со 400 жители, а Милоевиќ со 50 македонски куќи[2]. Селото потпаднало под власта на Грција, по Втората балканска војна во 1913 година со Букурешкиот договор. Селото било зафатено и со борби во познатата Граѓанска војна во Грција поради што 8 семејства и неколку поединци го напуштиле, пребегнувајќи во Македонија.

Стопанство[уреди | уреди извор]

Росен е мошне богато село чиишто главни производи се тутун, жито и грозје[2]. Според записите на Ѓорче Петров од 1896 година, најплодна и најскапа била земјата во атарите на селата Росен, Лажени и Попожани.

Население[уреди | уреди извор]

Селото Росен е населено само со Македонци и во етнички поглед не е променето сè до денес[2]. Во пописот од 1913 година се попишани 552 жители, а во 1920 година 805 жители[2]. Поради Граѓанската војна како и поради иселувањето во прекуокеанските земји забележан е незначителен пад на бројот на жителите, но сепак селото покажува извесна стабилност по Втората светска војна[2]. Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 805 805 847 733 714 736 814 708
Извор за 1940-1991 г.: Т. Симовски, Населените места во Егејска Македонија

Иселеништво[уреди | уреди извор]

Поради Граѓанската војна во Грција селото го напуштиле 8 семејства и неколку поединци коишто се населиле главно во Македонија, но постои емиграција и во прекуокеанските земји[2].

Наводи[уреди | уреди извор]

  1. „Попис на населението од 2011 г. Трајно население“. Државен завод за статистика на Грција.
  2. 2,0 2,1 2,2 2,3 2,4 2,5 2,6 2,7 Симовски, Тодор (1998). „Лерински округ (X/1)“. Населените места во Егејска Македонија : географски, етнички и стопански карактеристики. дел. Скопје: Институт за национална историја. стр. 172–173.
  3. Петров, Ѓорче (1896). превод: Марио Шаревски (уред.). Материјали по изучувањето на Македонија (2016. изд.). Скопје: Единствена Македонија. стр. 445 и 467. ISBN 978-608-245-113-8.