Розамунд Пајк

Од Википедија — слободната енциклопедија
Прејди на: содржини, барај
Розамунд Пајк
Роден(а) 27 јануари 1979 (1979-01-27) (воз. 38 г.)
Лондон, Обединето Кралство
Занимање актерка
Активен период 1998–сеуште
Партнер Роби Унијаки (2009–)
Деца 2

Розамунд Мери Елен Пајк[1] (родена на 27 јануари 1979 г.) е англиска актерка.

Таа ѝ станала позната на светската јавност по улогата на бонд девојката Миранда Фрост во филмот Умри некој друг ден од 2002 година. Тоа била нејзина прва филмска улога за која ја добила наградата Емпајер за најдобра нова актерка. Пајк потоа играла во филмот Гордост и предрасуда (2005) кој бил адаптација на истоимениот роман на Џејн Остин и во драмата Неодолив развратник (2004), за која ја освоила британската независна награда за најдобра актерка во споредна улога. Улогите во филмовите Образование (2009) и Произведено во Дагенхам (2010) и донеле уште две номинации за истата награда. Таа исто така настапила во блокбастерите Џони Инглиш: Повторно роден (2011), Гнев на титаните и Џек Ричер (2012).

Нејзина најзначајна улога во досегашната кариера е улогата на Ејми Елиот-Дан во трилерот Исчезната на Дејвид Финчер од 2014 година, која и донела многу награди од здруженијата на филмски критичари како и номинции за Оскар, Златен глобус и БАФТА за најдобра актерка.

Ран живот[уреди | уреди извор]

Пајк е родена во Лондон како единствено дете на оперските пејачи Каролина и Џулијан Пајк.[2] Таткото на Пајк моментално е професор по музика и раководител на оперските студии на Бирмингемскиот конзерваториум.[3]

Поради оперските кариери на своите родители, таа до својата седма година постојано патувала со нив низ Европа.[3] Пајк добила стипендија за училиштето Бадминтон во Бристол,[3] и додека ја глумела Јулија во театарската претстава Ромео и Јулија во Националниот младински театар, била забележана од агент кој и помогнал да ја започне својата професионална кариера.[3]

Откако била одбиена од многу драмски училишта, таа се запишала на студии по Англиска книжевност на колеџот Ведхем во Оксфорд, на кои дипломирала во 2001 година.[4]

Личен живот[уреди | уреди извор]

Покрај англискиот јазик, Пајк течно ги зборува и германскиот и францускиот јазик. Таа знае да свири на виолончело.

Додека живеела во Оксфорд, Пајк била во врска со актерот Сајмон Вудс која траела две години.[5] И покрај нивното прекинување на врската, тие глумеле љубовници во филмот Гордост и предрасуда. Во август 2007 година, Пајк се верила со режисерот Џо Рајт со кој започнала врска на снимањето на Гордост и предрасуда, кој бил режисиран од негова страна.[6] Нивната свадба била планирана за мај 2008 година, но тој ја откажал свадбата и парот се разделил.[7] Од декември 2009 година, таа е во врска со Роби Унијаки, математички истражувач.[8] Тие имаат два сина, Соло (роден на 6 мај 2012 г.)[9] и Атом (роден на 2 декември 2014 г.).[10][11]

Наводи[уреди | уреди извор]

  1. Rosamund Mary E Pike. England and Wales Birth Registration Index 1837–2008, FamilySearch. Retrieved 21 November 2014.
  2. Cavendish, Lucy. „Rosamund Pike interview“, „The Daily Telegraph“, 18 март 2009 (конс. 22 мај 2010 г).
  3. 3,0 3,1 3,2 3,3 Judith Woods (24 септември 2010). „Rosamund Pike: From reluctant English rose to Britain's new screen queen“. Daily Mail. http://www.dailymail.co.uk/home/you/article-1311882/Rosamund-Pike-From-reluctant-English-rose-Britains-new-screen-queen.html. конс. 25 ноември 2010 г. 
  4. „The name's Pike, Rosamund Pike“. The Guardian. 13 октомври 2002. http://www.guardian.co.uk/film/2002/oct/13/features.magazine. конс. 25 ноември 2010 г. 
  5. Barber, Lynn. „I don't sleep around, if that's what you mean ... Would you like some more cake?“, 24 мај 2009.
  6. Bamigboye, Baz. „Rosamund Pike gets a ring from Mr Wright“, 7 септември 2007 (конс. 26 мај 2009 г).
  7. Barber, Lynn. „I don't sleep around, if that's what you mean ... Would you like some more cake?“, 24 мај 2009.
  8. Sawer, Patrick (20 септември 2014). „Rosamund Pike: How my ex-addict lover (age 53) gave me new lease of life“. The Telegraph. http://www.telegraph.co.uk/culture/film/film-news/11110609/Rosamund-Pike-How-my-ex-addict-lover-age-53-gave-me-new-lease-of-life.html. конс. 13 октомври 2014 г. 
  9. Nicholl, Kate. „Baby joy for Bond girl Rosamund Pike as she gives birth to son Solo“, 6 мај 2012 (конс. 14 мај 2012 г).
  10. „Rosamund Pike Welcomes a Son“. People. 4 декември 2014. http://celebritybabies.people.com/2014/12/04/rosamund-pike-welcomes-second-son/. конс. 4 декември 2014 г. 
  11. Colette Fahy (12 февруари 2015). „'I was just sitting there butt naked!' Rosamund Pike reveals she stripped off to breastfeed son Atom backstage at BAFTAs“. dailymail.com. http://www.dailymail.co.uk/tvshowbiz/article-2950537/Rosamund-Pike-reveals-stripped-breastfeed-son-Atom-BAFTAs.html. конс. 13 февруари 2015 г. 

Надворешни врски[уреди | уреди извор]