Ровни (езеро)

Од Википедија — слободната енциклопедија
(Пренасочено од Ровни езеро)
Ровни
Ровни - Поглед на езеро
Ровни - Поглед на езеро
Поглед на езеро
Вид вештачко езеро
Главен дотек Јабланица и Сушица
Главен истек Јабланица
Земји во сливот  Србија
Површина 10,4
Најг. длабочина 67
Водна зафатнина 0,0515
Планирана акумулациска карта

Ровни е вештачко езеро во западна Србија, создадено со преградување на реката Јабланица и е најголемиот објект на регионалниот водостопански систем „Стубо-Ровни“.

Изградба[уреди | уреди извор]

Акумулацијата настанала во долините на реките Јабланица и Сушица и се наоѓа помеѓу селата Стубо и Ровни, на 15 километри од градот Ваљево. Изградбата на браната Стубо-Ровни започна во 1988 година, беше прекината во 1991 година и продолжи во 2001 година, а беше завршена во септември 2015 година. Се проценува дека во неговата изградба биле вложени околу 70 милиони долари.[1] Езерото е составен дел од регионалниот водостопански систем „Ровни“ наменет за водоснабдување на повеќе градови: Ваљево, Лазаревац, Лајковац, Уб и Мионица.

Опис и значење[уреди | уреди извор]

Браната има водоотпорно глинено јадро и има камен насип. Висока е 74,5 метри, долга 450 метри и широка во круната 8 метри, а количината на вграден материјал, глина и камен, е речиси 1,5 милиони кубни метри. Вкупниот волумен на акумулацијата е 51,5 милиони кубни метри, а максималната длабочина е 67 метри. Работите на браната и езерото ги изведуваа компаниите „Хидротехника-Хидроенергетика“ и „Енергопроект нискоградња“ од Белград, Србија.

Цевоводот долг 11820 метри носи сурова вода до фабриката за прочистување на водата за градот Ваљево.

Контроверзи[уреди | уреди извор]

Со изградбата на браната и полнењето на езерото е потопена црквата Свети Архангел Михаил во Тубравиќ, позната како „Ваљевска Грачаница“, што предизвикало полемики во јавноста.[2][3]

Ровни езеро, панорама

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]