Роберт Плант: Јас самиот
Роберт Плант: Јас самиот (англиски: Robert Plant: By Myself) – британски документарен филм од 2010 година, во режија на Крис Родли.
Содржина[уреди | уреди извор]
Во филмот, Роберт Плант зборува за своето музичко искуство, од Сторбриџ, преку британскиот блуз, ѕвездените моменти со „Лед Цепелин“ во 1970-тите, па сè до „Бенд оф џој“. Исто така, тој фрла поглед на својата работа со „Ханидриперс“ како и со северноафриканските музичари, неговото повторно здружување со Џими Пејџ како и неговата соработка со кантри-пејачката Алисон Краус. Како еден од најголемите вокали на рокенролот, Плант објаснува како му било да го скрши клишето на рок-божество и да го најде својот звук во 1980-тите и 1990-тите. Филмот вклучува музички инсерти и ретки снимки и фотографии.[1]