Роберт Керзон
Роберт Керзон (Robert of Courçon, de Curson, или Curzon[1]) (околу 1160/1170 - 1219) бил англиски кардинал на Римокатоличката црква.[2]
Животопис
[уреди | уреди извор]Роден бил во Англија некое време помеѓу 1160 и 1170 година, член на едно англо-норманско семејство со потекло од селото Нотр-Дам-де-Корзон во Нормандија.[3] По учењето во Оксфорд, Париз и Рим, тој станал канцелар на Универзитетот во Париз во 1211 година.[4] Следната година, тој станал кардинал на Сан Стефано Ротондо.[2][4] Во 1213 година, тој бил назначен за папски легат за да проповеда за крстоносна војна, а во 1215 година бил поставен на чело на комисија за испитување на грешките што преовладувале на Универзитетот во Париз. Учествувал во папската конклава од 1216, која го избрала папата Хонориј III.[2][4]
Тој активно учествувал во походот против ерес во Франција и ја придружувал војската на Петтата крстоносна војна во Египет како легат на папата Хонориј III.[2][4]
Починал за време на Опсадата на Дамиета во 1219 година, и бил погребан во Дамиета.[1]
Дела
[уреди | уреди извор]Тој е автор на неколку дела, вклучувајќи и Summa посветена на прашањата на законот за канони и етика.
Тој бил вмешан во работите на Универзитетот во Париз, среде забуната што произлегла од воведувањето на арапски преводи на Аристотел, по што напишал неколку рпреводи.
Наводи
[уреди | уреди извор]- 1 2 Bellenger & Fletcher 2001, Princes of the Church, p. 173.
- 1 2 3 4 Miranda, Salvador. „Robert Curzon“. The Cardinals of the Holy Roman Church. Архивирано од изворникот на 2017-11-02. Посетено на 14 June 2011.
- ↑ Jane E. Sayers
- 1 2 3 4 Schofield & Skinner 2007, The English Cardinals, p. 27.
Библиографија
[уреди | уреди извор]- Bellenger, Dominic Aidan; Fletcher, Stella (2001). Princes of the Church: A History of the English Cardinals. Stroud, UK: Sutton. ISBN 0-7509-2630-9.
- Denifle, Chartul. Univ. Paris, I (Paris, 1889), 72, 78
- De Wulf, Hist. of Medieval Phil., tr. Coffey (New York, 1909), 252.
- Schofield, Nicholas; Skinner, Gerard (2007). The English Cardinals. Oxford: Family Publications. ISBN 978-1-871217-65-0.