Прејди на содржината

Рејчел Вајс

Од Википедија — слободната енциклопедија
Рејчел Вајс
Роден(а)Рејчел Хана Вајс[1]
7 март 1970(1970-03-07) (56 г.)
Лондон, Англија
Државјанство
  • ОК
  • САД
Алма матерКембриџ
Училиштето Филип Голие
Занимање
  • глумица
  • продуцент
Активен период1992—
Сопружник
​
(в. 2011)​
ПартнерДарен Аронофски (2001 — 2010)
Деца2
РодниниМини Вајс (сестра)

Рејчел Хана Вајс (родена на 7 март 1970 година) — англиска глумица. Позната е по своите улоги во независни филмови и блокбастери. Освоила неколку награди, вклучувајќи Оскар, награда на Британската филмска академија, награда Златен глобус, награда на Здружението на филмски глумци и награда Лоренс Оливие.

Вајс почнала да глуми во театарски и телевизиски продукции во раните 1990-ти, а своето филмско деби го имала во Машина на смртта (1994). Таа ја освоила наградата Критички круг театар за нејзината улога во Дизајн за живеење од Ноел Кауард во 1994 година, а потоа се појавила во продукцијата на Донмар Веархаус во 1999 година на драмата Одеднаш минатото лето од Тенеси Вилијамс. Нејзиниот филмски пробив се случил со нејзината главна улога како Евелин Карнахан во холивудските акциони филмови Мумија (1999) и Враќањето на мумијата (2001).[2] Вајс потоа глумела во неколку филмови од 2000-тите, вклучувајќи ги Непријател на портите (2001), За едно момче (2002), Побегната порота (2003), Константин (2005), Фонтаната (2006), Дефинитивно, можеби (2008), Прекрасни коски (2009) и Свиркачот (2010).

За нејзината изведба како активистка во трилерот од 2005 година Постојаниот градинар, ја освоила наградата Оскар за најдобра споредна женска улога, а за играњето на Бланш Дибоа во обновата на Трамвај наречен желба од 2009 година, ја освоиа наградата Лоренс Оливие за најдобра актерка. Во 2010-тите, Вајс продолжила да глуми во филмови со голем буџет како што се акциониот филм Наследството на Борн (2012) и фантастичниот филм Оз големиот и моќен (2013) и добила критички пофалби за нејзините изведби во независните филмови Длабокото сино море (2011), Негирање (2016) и Омилената (2018). За нејзиното портретирање на Сара Черчил во Омилената, ја освоила наградата БАФТА за најдобра споредна женска улога и добила втора номинација за Оскар.[3] Вајс ја играла Мелина Востокоф во филмот на Кинематографската вселена на Marvel, Црната Вдовица (2021), и глумела како близнаци гинеколози во трилер минисеријата Мртви прстени (2023).

Ран живот

[уреди | уреди извор]

Вајс била родена на 7 март 1970 година во Вестминстер, Лондон, и пораснала во Хемпстед Гарден Сабарб.[4] Нејзините родители емигрирале во Обединетото Кралство како деца околу 1938 година, пред почетокот на Втората светска војна, за да избегаат од нацистите.[5][6][7][8] Нејзиниот татко, Џорџ Вајс, бил унгарски еврејски машински инженер и пронаоѓач познат по тоа што бил пионер во еден вид вентилатор.[9][10][11] Нејзината мајка, Едит Рут била наставничка, а подоцна и психотерапевт, по потекло од Виена, Австрија.[12][13]

Личен живот

[уреди | уреди извор]

Во 2001 година, Вајс била во врска со американскиот режисер и продуцент Дарен Аронофски. Вајс се преселила во Њујорк со Аронофски следната година;[14] во 2005 година, тие се свршиле. Нивниот син се родил во мај 2006 година во Њујорк.[15][16] Во ноември 2010 година, Вајс и Аронофски објавиле дека биле раздени со месеци, но останале блиски пријатели и се посветени на заедничкото воспитување на нивниот син во Њујорк [17]

Вајс и англискиот актер Даниел Крег биле пријатели многу години и работеле заедно на филмот Куќа на соништата од 2011 година. Тие почнале да се забавуваат во декември 2010 година и се венчале на 22 јуни 2011 година на приватна церемонија во Њујорк, со четири гости, вклучувајќи го синот на Вајс и ќерката на Крег.[18] На 1 септември 2018 година, било објавено дека го добиле своето прво заедничко дете, ќерка.[19]

Вајс се појавувала на насловните страници на списанија како што е Вог.[20] Била муза на модниот дизајнер Нарцисо Родригес,[21] и била именувана за глобален амбасадор на Лореал во 2010 година.[22] Британска државјанка по раѓање, Вајс станала натурализирана американска државјанка во 2011 година.[23]

Наводи

[уреди | уреди извор]
  1. ↑ Rubinstein, W.; Jolles, Michael A. (2011). „Weisz, Rachel“. The Palgrave Dictionary of Anglo-Jewish History. Palgrave Macmillan. ISBN 978-0-230-30466-6.
  2. ↑ „Weisz's breakthrough to acclaim“. BBC News. 17 January 2006. Посетено на 19 October 2015.
  3. ↑ „Rachel Weisz and Richard E Grant score Oscar nominations“. Irish Examiner. 22 January 2019. Архивирано од изворникот на 9 February 2019. Посетено на 7 February 2019.
  4. ↑ Aslet, Clive (14 April 2007). „Design for living“. The Daily Telegraph. London. Архивирано од изворникот на 26 May 2008. Посетено на 6 May 2008.
  5. ↑ „Rachel Weisz won't let go of her inner tomboy“. TODAY. 11 April 2008. Посетено на 23 June 2018.
  6. ↑ Lipworth, Elaine (20 November 2011). „Rachel Weisz: 'I'm still a blushing bride'“. The Daily Telegraph. Архивирано од изворникот на 10 January 2022. Посетено на 18 June 2012.
  7. ↑ Whitington, Paul (11 June 2017). „'I find it absurd we're talking about women over 40... I feel like saying there aren't enough roles for pandas' – Rachel Weisz“. Irish Independent. Посетено на 18 May 2018.
  8. ↑ Aschenbrand, Periel (29 September 2016). „The Chosen Ones: An Interview With Rachel Weisz“. Tablet. Архивирано од изворникот на 3 August 2020. Посетено на 18 May 2018.
  9. ↑ Applebaum, Stephen (20 January 2017). „'No denying my heritage' Stephen Applebaum interviews Rachel Weisz“. The Jewish Chronicle. Посетено на 18 May 2018.
  10. ↑ Brown, Mick (1 August 2009). „Rachel Weisz talks about starring in A Streetcar Named Desire“. The Daily Telegraph. Архивирано од изворникот на 12 November 2012. Посетено на 7 March 2012.
  11. ↑ „George Weisz“. The Jewish Chronicle. The Jewish Chronicle. 15 September 2020. Посетено на 2 January 2026.
  12. ↑ Goodridge, Mike (16 November 2006). „The virtues of Weisz“. Evening Standard. London: ES London Limited. Архивирано од изворникот на 24 May 2007. Посетено на 23 May 2007.
  13. ↑ „Rachel Weisz: 5 things to know about Daniel Craig's new wife“. CBS News. 27 June 2011. Архивирано од изворникот на 29 June 2011. Посетено на 7 March 2011.
  14. ↑ McLean, Craig (13 January 2007). „Labour of love“. The Daily Telegraph. London. Архивирано од изворникот на 10 January 2022. Посетено на 31 January 2011.
  15. ↑ „Oscar winner Rachel Weisz has baby boy“. USA Today. Gannett Company, Inc. 1 June 2006. Архивирано од изворникот на 29 January 2008. Посетено на 23 May 2007.
  16. ↑ Silverman, Stephen M. (1 June 2006). „Rachel Weisz has a boy“. People. Архивирано од изворникот на 8 March 2011. Посетено на 7 March 2011.
  17. ↑ Perry, Simon (9 November 2010). „Rachel Weisz & Darren Aronofsky split up“. People. Архивирано од изворникот на 11 November 2010. Посетено на 10 November 2010.
  18. ↑ „Rachel Weisz, Daniel Craig Get Married: Actress, Actor Wed In Secret Ceremony“. The Huffington Post. 25 June 2011. Архивирано од изворникот на 27 June 2011. Посетено на 26 June 2011.
  19. ↑ Javed, Saman (1 September 2018). „Daniel Craig and Rachel Weisz welcome first child together“. The Independent.
  20. ↑ Milligan, Lauren (19 December 2010). „January 2010 Vogue with Rachel Weisz“. Vogue UK. Condé Nast Publications. Архивирано од изворникот на 13 December 2009. Посетено на 9 February 2011.
  21. ↑ „Designer focus: Narciso Rodriguez“. Vogue. Condé Nast Publications. 14 May 2008. Архивирано од изворникот на 29 August 2012. Посетено на 24 January 2011.
  22. ↑ „Rachel Weisz is L'Oreal Paris' new global ambassador“. Marketing Update. Digital Media & Marketing Association. 13 October 2010. Архивирано од изворникот на 2 September 2014. Посетено на 2 September 2014.
  23. ↑ „Rachel Weisz on the Today Show“. The Daily Show. 27 July 2011. Архивирано од изворникот на 20 October 2011. Посетено на 4 August 2011.

Надворешни врски

[уреди | уреди извор]
  • Rachel Weisz at the Internet Broadway Database
Преземено од „https://mk.wikipedia.org/w/index.php?title=Рејчел_Вајс&oldid=5531172“