Рено Талисман

Рено Талисман
Renault Talisman
Произведувач	Рено
Познат и како	Рено Самсунг SM6
Производство	2015–до денес (Франција); 2016–до денес (Јужна Кореја)
Склопување	Франција, Јужна Кореја
Претходник	Рено лагуна; Рено латитуд (Европа)
Класа	средна класа / голем семеен автомобил (D-сегмент)
Вид каросерија	4 врати седан; 5 врати караван
Распоред	мотор напред, погон напред
Платформа	Рено Нисан CMF платформа (CMF-CD)
Мотор	Бензин:; 1,6 L; 1,8 L; 2,0 L; Гас:; 2,0 L Renault LPe I4; Дизел:; 1,5 L турбодизел I4; 1.6 L единичен или двоен турбодизел I4;
Пренос	6-степен мануелен; 6/7-степен автоматик
Меѓуоскино раст.	2810 mm
Должина	4850 mm
Ширина	1870 mm
Висина	1460 mm
Сродни	Рено еспас V
Конструктор	Алексис Марто

Рено Талисман (француски: Renault Talisman) – автомобил што го произведува француската фабрика за автомобили Рено од 2015 година. За кинескиот пазар Талисман се продава од 2012 година, но во дизајнерска смисла тоа се две различни возила. Во Јужна Кореја, Талисман од 2012 година се вика Рено Самсунг SM7.^[2]

Првпат во јавност бил прикажан на 6 јули 2015 година, а официјалната премиера ја имал во септември 2015 на саемот за автомобили во Франкфурт. Развиен е на платформата CMF-CD, која заедно ја равиле Рено и Нисан. Доаѓа како замена за лагуна и латитуд.

Се одликува со елегантен стил, простран ентериер, висока технологија и иновативност. Како Рено еспас и Рено каѓар има карактеристичен облик на маската на ладилникот со голем централно поставен амблем на марката. Осмислени се и оригинални стилски детали, како дневни лед светла или задни лед светла кои се вовлекуваат длабоко во капакот на багажникот. Располага со голем багажник од 608 литри. За разлика од лагуната, која назад имала петта врата, Талисман е класичен седан со четири врати или караван со пет врати.^[3]

Опремен е со ефикасни мотори со мала кубикажа, бензински од 1,6 TCe (150 и 200 КС) и дизел мотори од 1,5 dCi (110 КС) и 1,6 dCi (130 и 160 КС).^[4]