Рене Касен

Од Википедија — слободната енциклопедија
Прејди на прегледникот Прејди на пребарувањето
Рене Касен
Портрет на Рене
Роден(а)5 октомври 1887(1887-10-05)
Починал(а)20 февруари 1976(1976-02-20) (возр. 88)
Париз
Занимањеправник, професор по право, адвокат
Познат(а) поУниверзална декларација за човековите права

Рене Касен (француски: René Cassin, 5 октомври 1887 - 20 февруари 1976) — француски правник, познат како ко-автор на Универзалната декларација за човековите права. Тој е добитник на Нобеловата награда за мир.[1]

Биографија[уреди | уреди извор]

Касен е роден во 1887 година во гратчето Бајон во Баскија, Франција. Неговиот татко бил еврејски трговец. Рене служел како војник во Првата светска војна. Во периодот од 1924 до 1938 година бил француски делегат во Друштвото на народите. Рене триесеттина години бил претседател на Светскиот еврејски сојуз (француски: Alliance Israélite Universelle), базиран во Париз.

За време на Втората светска војна Касен работел за владата во егзил Слободна Франција, а од 1944 до 1959 година бил и член на францускиот Државен совет. По завршувањето на војната Касен бил вклучен во Обединетите нации за да помогне во создавањето на Универзалната декларација за човековите права (УДЧП). Тој целосно го изработил првиот нацрт на текстот, создавајќи структура на документот и вметнувајќи преамбула и принципи.

Во 1968 година бил награден со Нобеловата награда за мир за неговите заслуги за човековите права.

Наводи[уреди | уреди извор]

  1. Nobel Lectures, Peace 1951-1970, Editor Frederick W. Haberman, Elsevier Publishing Company, Amsterdam, 1972