Рели „Калин Камен“

Од Википедија — слободната енциклопедија
Прејди на прегледникот Прејди на пребарувањето
Податотека:Reli-Kalin-Kamen-mapa-600x400.jpg
Рели „Калин Камен“ - Мапа од 2010год.

Рели „Калин камен“ (Туристичко рели „Калин Камен“) е манифестација која од 2009 година се одржува по иницијатива на оф–роуд возачите, а во организација на Општина Крива Паланка и Здружението на граѓани Авто мото клуб „Офф Роад Осогово“. Релито, традиционално, се оддржува на 24 мај, во чест на сесловенските просветители Св. Кирил и Методиј.[1]

Манифестацијата има ревијален карактер. Должината на патеката е 64 километри,[2] а 80 отсто од неа се одвива на неасфалтиран пат. Висинската разлика помеѓу најниската и највисока точка - Царев Врв (2.085 метри надморска височина) е 1.500 метри. Патеката започнува на плоштадот во Крива Паланка, поминува низ прекрасните предели на Осоговските Планини, а се се протега низ следниве предели:

Крива Паланка → Мождивњак → Острец → Бари → Костадиница → Бабина чешма → Царев врв (2085м) → Алтн чешма → Калин Камен → Езеро → манастир „Св. Јоаким Осоговски“ → Крива Паланка.

Податотека:Reli Kalin Kamen 2012 Plakat.jpg
Рели „Калин Камен“ - плакат 2012год.

Патувањето трае околу 8 часа, нормално со паузи на учесниците, бидејќи околу 80 проценти од теренот се состои тежок т.н црн пат. За да се одржи оваа чудна манифестацијата е потребна сигурна и добра организација, нормално и поддршка од полицијата која мора да го запре и контролира сообраќајот додека колоната од неколку десетици автомобили, меѓу кои технички, санитарни, полициски и други возила се искачува кон селото Мождивњак. Најголем број од учесниците во патувањето користат Лада Нива, но големо внимание кај присутните предизвикуваат и американските и руските џипови стари и по педесетина години.

Додека трае патувањето можат да се доживеат сите четири годишни времиња со атмосферски премини, дожд, сонце, ветер па и снежна покривка. Осоговската планина е прекрасна, преполна со пасишта и диви коњи кои галопираат недалеку по зеленилото.

Наводи[уреди | уреди извор]

Надворешни врски[уреди | уреди извор]