Реин Тарамае

Реин Тарамае
	Тарамае на Критериум ду Дофине 2012
Лични податоци
Цело име	Реин Тарамае
Прекар	Вадер (од „reinuvader“ - лисица)
Роден	24 април 1987 (36 г.); Тарту, Естонија
Висина	1,84 м
Маса	67 кг
Податоци за клубот
Мом. клуб	Тим ТоталЕнержи
Дисциплина	друмски велосипедизам
Улога	возач
Вид на возач	возач за генерален пласман
Аматерски клубови
2007	Кофидис (стажант)
Професионални клубови
2008–2014; 2015; 2016-2017; 2018-	Кофидис; Астана; Катјуша; Директ Енержи
Значајни победи
	Големи трки Џиро д’Италија 1 поединечна етапа (2016) Вуелта а Еспања 1 поединечна етапа (2011) Етапни трки Трка околу Словенија (2016] Вуелта а Бургос (2015) Арктичка трка на Норвешка (2015) Тур де л’Ен (2009) Еднодневни трки и класици Национален друмски првак (2009, 2013) Национален хронометарски првак (2009, 2011, 2012) Вуелта Сиклиста а Мурсија (2015)
	Големи трки Џиро д’Италија 1 поединечна етапа (2016) Вуелта а Еспања 1 поединечна етапа (2011) Етапни трки Трка околу Словенија (2016] Вуелта а Бургос (2015) Арктичка трка на Норвешка (2015) Тур де л’Ен (2009) Еднодневни трки и класици Национален друмски првак (2009, 2013) Национален хронометарски првак (2009, 2011, 2012) Вуелта Сиклиста а Мурсија (2015)
	Последна промена; 24 мај 2018

Реин Тарамае (естонски: Rein Taaramäe; р. 24 април 1987 во Тарту) — естонски професионален друмски велосипедист, кој вози за професионалната континентална екипа Тим ТоталЕнержи.^[2]

Кариера[уреди | уреди извор]

Тарамае станал професионалец во 2008 година со Кофидис, откако возел за тимот како практикант на крајот од 2007 година и победил на етапа на Трката околу Ардените рано во сезоната. Во 2008 година освоил две етапи на ГП Португал и етапа на Тур де л'Авенир. На Летните олимписки игри 2008, Тарамае ги завршил друмската трка и хронометарот.

Реин Тарамае на Тур де л’Eн

Во 2009 година завршил трет на Тур де Романди и осми на Тур де Свис. Тарамае ги освоил националните друмски и хронометарски првенства во 2009 година.^[3] Тој го освоил и Тур де л’Ен откако победил на последната етапа на Кол ди Гран Коломбје.^[4] Во 2010 година завршил седми на Париз-Ница и трет на Волта а Каталуња.

Во 2011 година, Реин завршил 11. во генералниот пласман на Тур де Франс. На етапата 14 на Вуелта а Еспања 2011 Тарамае и другиот член на бегството Давид де ла Фуенте биле последните двајца возачи од бегството со 17 возачи, но на 2 километри пред Де ла Фуенте отпаднал со цел да му помогне на колегата Хуан Хосе Кобо при искачување, со што му дозволил Тарамае сам да дојде до неговата прва етапна победа на некоја голема трка. На крајот се повлекол пред трката да заврши во Мадрид.

Во август 2014 година, генералниот менаџер на Астана, Александар Винокуров, објавил дека Тарамае потпишал едногодишен договор со екипата за сезоната 2015.^[5]^[6]

Сезоната 2015 започнала добро за Реин со победа на Вуелта Сиклиста а Мурсија. Надежите биле високи, особено со настапот на големите трки, како Тур де Франс. На Тур де Франс 2015, Тарамае требало да му помага на Винченцо Нибали во планините. На крајот, Тарамае бил приморан да ја напушти единаесеттата етапа поради болест. По разочарувачкиот Тур, Тарамае победил на Вуелта а Бургос и Арктичката трка на Норвешка во август. Истовремено се појавиле гласини дека Тарамае ја напушта Астана и на крајот на август, Тарамае потпишал едногодишен договор со Катјуша.

Бил вклучен во почетниот состав за Џиро д’Италија 2016.^[7] Ја освоил дваесеттата етапа на трката, станувајќи првиот Естонец кој освоил етапа на Џиро.^[8] По краток одмор во Естонија, Тарамае ја освоил Трката околу Словенија, заедно со победа на втората етапа.