Прејди на содржината

Ревматична полимијалгија

Од Википедија — слободната енциклопедија
Ревматична полимијалгија
Кај ревматична полимијалгија, болката вообичаено е локализирана на рамената и колковите.
СпецијалностРевматологија

Ревматична полимијалгија (РП) или ревматска полимијалгија — синдром што се одликува со болка или вкочанетост, вообичаено во вратот, рамената, надлактиците и колковите, но може да се појави низ целото тело. Болката може да биде ненадејна или да прогредира во текот на одреден период. Повеќето поединци со РП се разбудуваат со мускулна болка; сепак има случаи во кои болката се јавува навечер или имаат болка и вкочанетост преку целиот ден.[1]

Лицата со ревматична полимијалгија исто така можат да имаат и темпорален артеритис, воспаление на крвните садови на лицето кое може да предизвика слепило ако не биде брзо третирано.[2] Болката и вкочанетоста може да резултираат со намален квалитет на живот, и да доведат до депресија. Ревматичната полимијалгија често се разгледува во асоцијација со темпоралниот артеритис.[3] Се смета дека тригер фактор може да биде вирусна или бактериска инфекција или траума, но секако генетиката е исто така фактор за развој на болеста.[4] Лицата со северноевропско потекло имаат поголем ризик од развој на болеста.[4] Не постои лабораториски тест за потврдување на болеста, но C-реактивната белковина (CRP) и седиментацијата на еритроцитите можат да бидат од корист.

Третманот на РП вклучува кортикостероиди земени перорално.[5] Кај повеќето пациенти третманот трае две до три години.[6]

РП за првпат била регистрирана како посебна болест во 1966 во приказ на случај[7] на 11 пациенти од болницата Маунт Синај во Њујорк.[8] Името го добила од грчкиот збор Πολυμυαλγία полимијалгија, што значи „болка во повеќе мускули“.

Знаци и симптоми

[уреди | уреди извор]

Широк спектар на симптоми можат да укажат дека лицето има ревматична полимијалгија. Класичните симптоми вклучуваат:

  • Болка и вкочанетост (умерена до јака) во вратот, рамената, надлактиците и колковите, кои ја намалуваат физичката активност, особено рано наутро/после спиење. Болката може да биде лимитирана само на една од овие зони.
  • Замор и губиток на апетит (што може да доведе до губиток на телесна тежина) се исто така индикативни за ревматична полимијалгија.
  • Анемија
  • Симптоми слични на грип.
  • Понекогаш е присутна и блага треска[9] или абнормална телесна температура.
  • Кај повеќето луѓе, се одликува со константен замор, слабост и понекогаш исцрпеност.

Околу 15 % од луѓето дијагностицирани со ревматична полимијалгија исто така имаат и темпорален артеритис, и околу 50% од луѓето со темпорален артеритис имаат ревматична полимијалгија.

Епидемиологија

[уреди | уреди извор]

Не постојат предуслови кој поединец ќе развие ревматична полимијалгија, но некои фактори покажуваат поврзаност со заболувањето.

  • Обично, РП се јавува само кај лица над 50 години.[10]
  • Просечната возраст на пациентите со РП е околу 70 години.[1][11]
  • Жените имаат двапати поголема веројатност од развој на РП.[11]
  • Околу 50 % од лицата со темпорален артеритис исто така имаат и ревматична полимијалгија.[1]
  1. 1 2 3 Gelfand JL (November 18, 2007). „Polymyalgia Rheumatica and Temporal Arteritis“. WebMD. Архивирано од изворникот на 2008-06-11. Посетено на 2008-06-10.
  2. ↑ Schmidt, J; Warrington, KJ (1 August 2011). „Polymyalgia rheumatica and giant cell arteritis in older patients: diagnosis and pharmacological management“. Drugs & Aging. 28 (8): 651–66. doi:10.2165/11592500-000000000-00000. PMID 21812500.
  3. ↑ Questions and Answers about Polymyalgia Rheumatica and Giant Cell Arteritis Архивирано на 25 мај 2016 г.. NIH: National Institute of Arthritis and Musculoskeletal and Skin Diseases. (April 2015).
  4. 1 2 Cimmino, Marco A. (1997). „Genetic and environmental factors in polymyalgia rheumatica“. Annals of the Rheumatic Diseases. 56: 576–577. doi:10.1136/ard.56.10.576. PMC 1752263.
  5. ↑ Dejaco, C; Singh, YP (October 2015). „2015 Recommendations for the management of polymyalgia rheumatica: a European League Against Rheumatism/American College of Rheumatology collaborative initiative“. Annals of the Rheumatic Diseases. 74 (10): 1799–807. doi:10.1136/annrheumdis-2015-207492. PMID 26359488.
  6. ↑ „Polymyalgia Rheumatica treatments and drugs“. MayoClinic. Dec 4, 2010. Посетено на 2012-01-19.
  7. ↑ Davison S, Spiera H, Plotz CM (Feb 1966). „Polymyalgia rheumatica“. Arthritis and Rheumatism. 9 (1): 18–23. doi:10.1002/art.1780090103. PMC 2287267. PMID 4952416.
  8. ↑ Plotz, Charles; Docken, William (May 2013). „Letters: More on the History of Polymyalgia Rheumatica and Giant Cell Arteritis“. The Rheumatologist. ACR/ARHP. Архивирано од изворникот на 2015-02-12. Посетено на 2014-06-01.
  9. ↑ „Polymyalgia Rheumatica symptoms“. MayoClinic. Dec 4, 2010. Посетено на 2012-01-19.
  10. ↑ Docken WP (August 2009). „Polymyalgia rheumatica“. American College of Rheumatology. Посетено на January 20, 2012.
  11. 1 2 „Polymyalgia Rheumatica risk factors“. MayoClinic. Dec 4, 2010. Посетено на 2012-01-19.

Надворешни врски

[уреди | уреди извор]
Класификација
П · Р · П
Надворешни извори


Преземено од „https://mk.wikipedia.org/w/index.php?title=Ревматична_полимијалгија&oldid=5333903“