Ратка Чоревска

Ратка Чоревска
Родена	25 февруари 1924 Штип, Кралство СХС
Починала	7 јануари 2016(2016-01-07) (возр. 91) Битола, Македонија
Занимање	глумица
Сопружник	Трајко Чоревски
Роднини	Илина Чоревска (внука)
Деца	Благоја Чоревски Борис Чоревски

Ратка Чоревска (Штип, 25 февруари 1924 - Битола, 7 јануари 2016) — македонска глумица, доајен на македонската глума.

Животопис

Чоревска е родена во Штип во 1924 година. Била дел од многу театарски ансамби во Македонија, но и во играни филмови. Таа од 1950 година била дел од Народниот театар во Битола каде што настапувала до 1994 година. Нејзиниот ангажман во битолскиот Народен театар останал запаметен по многу улоги. Била обитник на многу награди и признанија, а во 2010 година ја добила наградата за животно дело на Фестивалот „Војдан Чернодрински“ во Прилеп. Таа е сопруга на глумецот Трајко Чоревски и мајка на глумците Благоја и Борис Чоревски. Починала во Битола на 7 јануари 2016 година.

Творештво

Театрографија

• Саветка (Антица, 1950);
• Мартирија (Домот на Бернарда Алба, 1958);
• Лучила (Дубровнички ѓаволштилак - Пјерин, 1960);
• Цонка (Чорбаџи Теодос, 1962); Ана (Покојник, 1964);
• Велика (Бегалка, 1964); Даниела (Разбојници, 1967);
• Евгенија (Окрвавен камен, 1968);
• Стоја (Нечиста крв, 1971);
• Тештата (Крвави свадби, 1971);
• Меги Скат (Нашето бебе, 1972);
• Велика (Бегалка, 1972);
• Антоанета (Бубачки в глава, 1973);
• Раиса Филиповна (Самоубиец, 1973);
• Втора жена (Тоа Радиовце во кое паѓам длабоко, 1973);
• Соја (Госпоѓа министерка, 1973);
• Леди Фицбатрес (Младите се прекрасни, 1974);
• Клеона (Андромаха, 1975); Ката (Млади синови, 1977);
• Петрија (Чорбаџи Теодос, 1979);
• Јованка (Лице в лице, 1979);
• Стојна (Свадба, 1979);
• Баба Трпана (Џинот фалбаџија, 1981);
• Кнез (Трите волшебни кучиња, 1982);
• Бабата (Пубертетлии и фосили, 1985);
• Савка (Госпоѓа министерка, 1990);
• Војводата Солин (Мајстори на забуни, 1994)

Филмографија

Година	Филм	Улога
1971	Македонскиот дел од пеколот ТВ-филм	/
1973	Смилевскиот конгрес ТВ-филм	/
1975	Прва вечер ТВ-филм	Неда
1976	Најдолгиот пат ТВ-филм
1979	Курирот на Гоце ТВ-серија
1979	Наши години ТВ-серија	/
1981	Булки крај шините ТВ-серија
1982	Илинден ТВ-серија
1987	Ѕвездите на 42-та ТВ-филм	/
1990	Трст виа Скопје ТВ-серија	Бабата
1990-1991	Опстанок ТВ-серија	Баба Стана

Надворешни врски

• Ратка Чоревска на Семрежната филмска база на податоци (англиски)