Ратка Радмановиќ

**Ратка Радмановиќ**
	Ратка Радмановиќ
Родена	19 мај 1940 ; Кочани, Вардарска Бановина, Кралство Југославија
Починала	3 октомври 2023 (возр. 83); Битола, Македонија;
Националност	Македонка
Народност	Македонка
Позната	по улогата во: ; Мајки; Сенки; Панкот не е мртов; Врба; Ослободување на Скопје; Трето полувреме
Занимање	глумица

Ратка Радмановиќ (19 мај 1940 , Кочани - 3 октомври 2023 , Битола) — македонска театарска, филмска и телевизиска глумица.

Животопис

Родена во Кочани, најголем дел од кариерата работела во Народниот театар во Битола. Остварила и низа улоги во театрите во Кочани, Струмица, Штип и Куманово. Има остварено низа на впечатливи улоги на сцените на македонските театри особено во Народниот театар во Битола каде долго време и по пензионирањето имала носечки улоги на репертоарот. Радмановиќ остварила дваесеттина улоги на филм, каде остварила главни улоги во: Сенки и Мајки на Милчо Манчевски, Панкот не е мртов на Владимир Блажевски, Трето полувреме на Дарко Митревски, Ослободување на Скопје на Раде Шербеџија и последните Врба и Кајмак на Милчо Манчевски. Радмановиќ посебно е активна по пензионирањето.

Починала во Битола, на 3 октомври 2023 година.^[1]

Радмановиќ ги остварила филмските улоги:^[2]

Година	Филм	Улога
1987	Ѕвездите на 42-та ТВ-филм
1994	Пред дождот ТВ-филм
1997	Преку езерото ТВ-филм	Монахиња во Тирана
1997	Џипси меџик ТВ-филм	Циганка
2001	Прашина ТВ-филм	Бордел
2004	Големата вода ТВ-филм	Втората наставничка
2007	Сенки ТВ-филм	Калина
2010	Мајки ТВ-филм	Бабата
2011	Панкот не е мртов ТВ-филм	Милка
2012	Вратите ТВ-филм	Старата дама
2012	Трето полувреме ТВ-филм	Мајката на Димитри
2013	Само за губитниците ТВ-филм	Бабата
2014	До балчак ТВ-филм	Бабата на пенџер
2015	Последниот Македонец ТВ-филм	Бабата
2016	На Млечниот Пат ТВ-филм	Свекрвата
2016	Ослободувањето на Скопје ТВ-филм	Баба Вида
2017	Кога денот немаше име ТВ-филм	Бабата на Петар
2018	Година на мајмунот ТВ-филм	Бабата од селото
2018	На Млечниот Пат ТВ-серија	Свекрвата
2019	Врба ТВ-филм	Сребра
2021	Небесата горе ТВ-филм	Мара
2022	Кајмак ТВ-филм	Натка

↑ „Почина глумицата Ратка Радмановиќ“. radiomof.mk. 3 октомври 2023. Архивирано од изворникот 2023-10-03. Посетено на 7 октомври 2023.
↑ „Ratka Radmanovic“. IMDb. Посетено на 5 февруари 2023.