Ранма ½

Ранма ½
Корицата на првиот том танкобон, на која се прикажани Ранма Саотоме и неговиот татко претворени во девојче и панда соодветно
らんま12 (Ranma Nibun-no-Ichi)
Жанр	авантура боречки вештини романтична комедија
Манга
Автор	Румико Такахаши
Издавач	Shogakukan
Англиски издавач	Madman Entertainment Viz Media
Импринт	Shonen Sunday Comics
Списание	Weekly Shonen Sunday
Оригинално прикажување	19 август 1987 — 6 март 1996
Тома	38
Повеќе информации Аниме-серија Ranma ½ ( 1–18) Ranma ½ Nettōhen ( 19–161) Режисер Томоми Мочизуки ( 1–18) Цутому Шибајама ( 1–18) Коџи Саваи ( 19–161) Џунџи Нишимура ( 19–161) Продуцент Јоко Мацушита Макото Кубо Хиденори Тага Јошинобу Накао Такаши Ишихара Коџи Канеда Хироши Хасегава Џунпеи Накагава Кеи Иџичи Композитор Хидехару Мори Кенџи Каваи Студио Studio Deen Давател на лиценца Madman Entertainment Viz Media Мрежа FNS (Fuji TV) Англиска мрежа KTEH (Северна Америка) Оригинално прикажување 15 април 1989 — 25 септември 1992 Епизоди 161 Аниме-филм Ranma ½: Big Trouble in Nekonron, China Режисер Шуџи Иучи Продуцент Хиденори Тага Јоко Мацушита Хироши Хасегава Сценарист Рјота Јамагучи Шуџи Иучи Шигеру Јанагава Композитор Кенџи Каваи Студио Studio Deen Давател на лиценца Viz Media Објавено 2 ноември 1991 Времетраење 77 минути Аниме-филм Ranma ½: Nihao My Concubine Режисер Акира Сузуки Продуцент Кеи Иџичи Јоко Мацушита Мотоко Наритоме Хироши Хасегава Сценарист Рјота Јамагучи Композитор Акихиса Мацура Студио Studio Deen Давател на лиценца Viz Media Објавено 1 август 1992 Времетраење 65 минути Оригинална видеоанимација Режисер Џунџи Нишимура Продуцент Ајао Уеда Џунпеи Накагава Кенџи Куме Композитор Акихиса Мацура Студио Studio Deen Давател на лиценца Viz Media Објавено 21 октомври 1993 — 19 август 1994 Времетраење 30 минути Епизоди 6 Аниме-филм Ranma ½: Super Indiscriminate Decisive Battle! Team Ranma vs. the Legendary Phoenix Режисер Џунџи Нишимура Продуцент Ајао Уеда Џунпеи Накагава Кенџи Куме Сценарист Рјота Јамагучи Композитор Акихиса Мацура Кенџи Каваи Студио Studio Deen Давател на лиценца Viz Media Објавено 20 август 1994 Времетраење 28 минути Оригинална видеоанимација Ranma ½ Special Режисер Џунџи Нишимура Продуцент Ајао Уеда Џунпеи Накагава Кенџи Куме Композитор Акихиса Мацура Кенџи Каваи Студио Studio Deen Давател на лиценца Viz Media Објавено 16 декември 1994 — 17 февруари 1995 Времетраење 27 минути Епизоди 2 Оригинална видеоанимација Ranma ½ Super Режисер Џунџи Нишимура Продуцент Ајао Уеда Џунпеи Накагава Кенџи Куме Композитор Акихиса Мацура Кенџи Каваи Студио Studio Deen Давател на лиценца Viz Media Објавено 21 септември 1995 — 19 јануари 1996 Времетраење 28 минути Епизоди 3 Оригинална видеоанимација Ranma ½: Nightmare! Incense of Spring Sleep Режисер Такеши Мори Композитор Кохеи Танака Студио Studio Deen Sunrise Објавено 30 јули 2008 Времетраење 32 минути ТВ-специјал Режисер Рјо Нишимура Сценарист Јошихиро Изуми Композитор Кеи Јошикава Студио Nikkatsu Мрежа NNS (Nippon TV) Објавен 9 декември 2011 Времетраење 95 минути Аниме-серија Режисер Коносуке Уда Продуцент Еми Сато Норихиро Хајашида Шухо Кондо Рансен Имаи Сценарист Кимико Уено Композитор Каору Вада Студио MAPPA Давател на лиценца Netflix Мрежа NNS (Nippon TV) Оригинално прикажување 6 октомври 2024 — денес Епизоди 23 Поврзани медиуми Специјали на Ранма ½ Видеоигри на Ранма ½

Ранма ½ (јапонски: らんま1/2, англиски: Ranma ½) — јапонска манга напишана и илустрирана од Румико Такахаши. Излегувала во продолженија во списанието Weekly Shonen Sunday од август 1987 до март 1996 г., а сите поглавја биле собрани во вкупно 38 тома танкобон од страна на издавачот Shogakukan. Приказната го следи тинејџерот Ранма Саотоме, кој уште од најраното детство тренирал боречки вештини. Поради несреќа за време на едно тренинг-патување, тој бил проколнат да се претвора во девојче кога ќе бил изложен на ладна вода, додека топлата вода го враќала во неговиот машки облик. Низ целата серија, Ранма се обидува да најде начин да се ослободи од проклетството, додека неговите пријатели, непријатели и многубројните свршеници постојано му ги замрсуваат плановите и се мешаат во неговиот живот.

Серијата има хумористична формула и главен лик што честопати намерно се претвора во девојче за да ги оствари своите цели. Ранма ½ содржи и многу други ликови, чии сложени меѓусебни односи, необични одлики и ексцентрични личности го движат најголемиот дел од приказните. Иако ликовите и нивните односи се заплеткани, тие ретко се менуваат откако еднаш ќе бидат цврсто воведени и воспоставени во серијата.

Мангата била адаптирана во две аниме-серии во производство на Studio Deen, кои заедно се прикажувале на Fuji TV од 1989 до 1992 г., а покрај нив биле објавени и 12 посебни епизоди (OVA) и три филма. Во 2011 г. бил снимен и прикажан игран телевизиски специјал на Nippon Television, а најновата аниме-адаптација во производство на студиото MAPPA започнала со прикажување на 6 октомври 2024 г. на Netflix. Мангата Ранма ½ достигнала над 55 милиони продадени примероци, што ја прави една од најпродаваните манга-серии на сите времиња. И мангата и анимето се наведувале како едни од првите дела во нивните медиуми што станале исклучително популарни во Соединетите Американски Држави.

Содржина

Ранма Саотоме е 16-годишно момче. Непосредно пред почетокот на приказната, неговиот татко Генма, мајстор по боречки вештини, го зема со себе на тренинг-патување низ Кина со цел да го направи вистински маж и достоен наследник на Школата за сеопфатни боречки вештини Саотоме. За време на патувањето, тие стигнуваат во Долината на Проклетите Извори, каде што Ранма случајно паѓа во Изворот на Удавената Девојка, а Генма во Изворот на Удавената Панда. Сега, по секое полевање со ладна вода, Ранма се претвора во девојче, а Генма во панда, додека топлата вода им го враќа првобитниот изглед.

По враќањето од Кина, тие веднаш се упатуваат кон домот на семејството Тендо. Главата на семејството е вдовецот Соун Тендо, долгогодишен пријател на Генма, кој води сопствено доџо и има три ќерки — Касуми, Набики и Акане. Се открива дека Соун и Генма одамна се договориле нивните деца да се венчаат за заедно да го наследат доџото и водството на школата. Бидејќи од трите ќерки само Акане покажува активен интерес за боречки вештини, таа веднаш е прогласена за свршеница на Ранма. Ваквата состојба воопшто не им се допаѓа ниту на Ранма, ниту на Акане, која и онака ги презира мажите. Подоцна се дознава дека Акане има многубројни обожаватели што сакаат да го освојат нејзиното срце, а слични додворувачи од двата пола почнуваат да се појавуваат и околу Ранма.

Ликови

Ранма Саотоме (јап. 早乙女乱馬) — младич што како последица на проклетство се претвора во девојче. Во серијата, неговото проклетство може да се поништи со помош на Изворот на Удавениот Младич. Постои и брза варијанта на овој извор што го блокира проклетството, но само привремено — до првото следно полевање со ладна вода.

Ранма е одличен готвач и добро е приспособен за живот во „теренски услови“. Во својот женски облик (кој понекогаш го користи под името „Ранко“), тој се однесува значително поопуштено отколку како машко — си дозволува да јаде сладолед, го користи својот изглед за да измами храна од други момчиња или му се нафрла на Рјога за да му го одвлече вниманието од Акане. Наспроти тоа, како машко е многу посрамежлив и не е во состојба ниту да ги бакне Шампу или Акане, дури и кога тоа му е единствениот начин да стигне до лекот за своето проклетство или до билет за Кина. Како главен наследник на школата за боречки вештини, тој е принуден постојано да го усовршува своето мајсторство. Пред да го запознае семејството на Соун, Ранма практично не се соочил со противници рамни на себе, но по вселувањето во нивното доџо, веднаш добива многубројни конкуренти.

Генма Саотоме (јап. 早乙女玄馬) — таткото на Ранма, проколнат да се претвора во панда. Тој честопати бега од одговори и од одговорност така што намерно се претвора во панда. Додека е во облик на панда, општи со околината со помош на натписи на таблички. Своевремено го свршил Ранма со многубројни девојки, по што секогаш бегал. Го зел малиот Ранма и побегнал од сопствената сопруга, ветувајќи ѝ дека ќе се врати дури откако од синот ќе направи „вистински маж“. Кога загрижената мајка конечно успева да ги пронајде, тој се маскира себеси, а и Ранма (кој е во женски облик), преправајќи се дека се сосема непознати луѓе.

Соун Тендо (јап. 天道早雲) — пријател на Генма и татко на Акане, Касуми и Набики. Тој е прилично мрзлив и плашлив по природа. Член е на градскиот совет, по чија молба понекогаш извршува различни задачи. Се преплашува од појавувањето на Хапосаи и на секој начин се обидува да го скрие неговиот престој во сопствената куќа. Многу му се радува на доаѓањето на Ранма и искрено се надева дека токму тој ќе стане вистинскиот наследник на школата за боречки вештини. Најголемиот дел од времето го поминува играјќи шоги (јапонски шах) со Генма, притоа често мамејќи, или пиејќи чај на верандата од својот дом.

Надворешни врски

• Матична страница