Рамковна директива за отпад
Рамковната директива за отпад (РДО) — директива на Европската унија која се однесува на „мерки за заштита на животната средина и здравјето на луѓето преку спречување или намалување на негативните влијанија од создавањето и управувањето со отпад и преку намалување на вкупните влијанија од користењето на ресурсите и подобрување на ефикасноста на таквото користење“.[1] Првата Рамковна директива за отпад датира од 1975 година.[2] Таа претрпела значителни промени во 1991[3] и 2006 година.[4] Тековната директива била усвоена на 19 ноември 2008 година.[1]
Целта на Рамковната директива за отпад била да се постави основата за претворање на ЕУ во „рециклирачко општество“ кое се стреми да избегне создавање отпад и да го користи отпадот како ресурс“ (Преамбула, дел 28).
Една од карактеристиките на РДО е Европската хиерархија за отпад.[5]
Клучни термини
[уреди | уреди извор]Критериуми за укинување на статус на отпад
[уреди | уреди извор]Критериумите за укинување на статусот на отпад наведуваат кога одреден отпаден материјал престанува да биде „отпад“ и добива статус на производ (или секундарна суровина).
Според член 6 (1) и (2), одреден специфичен отпад престанува да биде отпад кога ќе помине низ операција на преработка (вклучувајќи рециклирање) и ќе ги исполни специфичните критериуми што треба да се развијат во согласност со одредени законски услови, особено кога:
- супстанцијата или предметот најчесто се користи за специфични цели;
- има постоечки пазар или побарувачка за супстанцијата или предметот;
- употребата е законска (супстанцијата или предметот ги исполнува техничките барања за специфичните цели и ги исполнува постојните законски прописи и стандарди што се применуваат за производите);
- употребата нема да доведе до целокупни негативни влијанија врз животната средина или здравјето на луѓето.[6]
Висококвалитетно рециклирање
[уреди | уреди извор]Член 11 бара од земјите-членки да „промовираат висококвалитетно рециклирање“. Терминот „висок квалитет“ не е дефиниран, но се состои во исполнување на „неопходните стандарди за квалитет за релевантните сектори за рециклирање“.[1]
Одделно собирање
[уреди | уреди извор]Член 10(2) од Рамковната директива за отпад утврдила општ услов за одделно собирање и ги обврзала земјите-членки да воспостават системи за одделно собирање барем за хартија, метал, пластика и стакло до 2015 година. Член 11 (1) ги утврдува барањата за земјите-членки да преземат мерки за промовирање на висококвалитетно рециклирање преку одделно собирање.[7]
Технички, еколошки и економски изводливо
[уреди | уреди извор]Според упатствата на ЕУ, „комбинацијата од термини „технички, еколошки и економски изводливо“ ги опишува предусловите за земјите-членки, во различен степен, да бидат обврзани да воспостават одделно собирање согласно членовите 10 и 11 од Директивата“.[8]
Наводи
[уреди | уреди извор]- 1 2 3 Directive 2008/98/EC of 19 November 2008 on waste and repealing certain Directives.
- ↑ Directive 75/442/EEC of 15 July 1975 on waste. End of validity 16 May 2006, and repealed by 2006/12/EC.
- ↑ Directive 91/156/EEC of 18 March 1991 on waste. End of validity 16 May 2006, and repealed by 2006/12/EC.
- ↑ Directive 2006/12/EC of 5 April 2006 on waste. End of validity 11 December 2006, and repealed by 2008/98/EC.
- ↑ Zhang, Chunbo; Hu, Mingming; Di Maio, Francesco; Sprecher, Benjamin; Yang, Xining; Tukker, Arnold (2022-01-10). „An overview of the waste hierarchy framework for analyzing the circularity in construction and demolition waste management in Europe“. Science of the Total Environment. 803: 149892. Bibcode:2022ScTEn.803n9892Z. doi:10.1016/j.scitotenv.2021.149892. ISSN 0048-9697. PMID 34500281 Проверете ја вредноста
|pmid=(help).|hdl-access=бара|hdl=(help) - ↑ European Commission, Waste Framework Directive: End-of-waste criteria, accessed 31 December 2020.
- ↑ European Commission - DG ENV, Assessment of separate collection schemes in the 28 capitals of the EU, published 2014, accessed 28 December 2020
- ↑ European Commission, Guidance on the interpretation of key provisions of Directive 2008/98/EC on waste, para 4.4, accessed 28 December 2020