РК Струмица

Од Википедија — слободната енциклопедија
Прејди на прегледникот Прејди на пребарувањето
РК Макс Струмица
Целосен називРакометен клуб Струмица
Основан1954; пред 65 години (1954)
Распуштен23 август 2016; пред 3 години (2016-08-23)
ИгралиштеСпортска сала Парк, Струмица
Приемност2,300
Главен тренерВанчо Трендафилов (последен)
2015–16
(ВИП Супер Лига)
(последна)
3ти
Бои
Клупски бои         

РК Струмица — поранешен македонски ракометен клуб со седиште во Струмица.

Историјат[уреди | уреди извор]

РК Струмица бил формиран во 1954 година и на почетокот бил дел од Спортското друштво „Партизан“ од Струмица. Најголем удел во развојот на ракометниот спорт од тоа време имал Марко Божинов, познат стопанственик и јавна личност. До 1976 година клубот постигнувал променливи резултати, играјќи во сите лиги и купови на Македонија. На средината од 1970-тите се случил пресврт и РК „Струмица“ бил постојан член на Втората лига, за во 1991 година да се пласира во Првата македонска лига, каде играл до 1993 година, кога повторно се вратил во понизок ранг.
Во многуте импулсивни години на подеми и падови во овој период, траен белег во клубот оставиле многу ракометари но и членови на управата: Благој Пакетов, Петар Василев, Петар Морарцалиев, Звонко Китанов, Мите Гарванлиев, Методи Гарванлиев, Ристо Василев, Кирил Бјадов, Петар Кечев, Ванчо Трендафилов, Наско Митров, Трајче Проданов, Панче Иванов и Томе Дрвошанов.

Настапи во Првата македонска лига[уреди | уреди извор]

На почетокот на новиот милениум клубот го добил новиот спонзор „Супера“ и набргу струмичките ракометари повторно влегле во Првата македонска лига. Амбициите на клубот станале уште поголеми со учеството во полуфиналето од Купот на Македонија, каде, само со еден гол разлика, загубил од РК Пелистер од Битола. Веќе во следната, 2002 година, РК „Зомимак-М“ се пласирал во елитната ВИП Супер Лига на Македонија. Ова било времето на најголемите ракометни достигнувања, кога во градот владеела вистинска ракометна еуфорија. Меѓутоа, поради недоразбирања, спонзорот го напуштил клубот, па во 2003 година клубот повторно се спуштил во пониските ракометни кругови. Така, до 2011 година, клубот имал постојани активности на ниво на преживување, главно заради иницијативноста на спонзорот „Зоми Мак М“, кој не дозволил клубот да згасне со работа.
Оваа генерација оставила големи траги во струмичкиот ракомет, а како позначајни ракометари биле: Мите Пандев, Димитар Пандев, Пепи Пецанов, Жан Јанев, Ратко Маќенаџиев, Павле Велков, Владо Андовски, Ванчо Трендафилов (тренер и играч) Зоран Маќенаџиев, Ване Василев, Младен Лазаров, Мите Димитриев, Мики Танев, Никола Илиев, Новица Лапевски, Сашко Брндевски, Марјан Андонов, Тони Василев, Горан Филиповиќ, Дејан Ефтимов, Ристо Лазаров, Аата Тутенковски и Александар Котевски.

Логото на клубот за време на спонзорството на Зоми Мак M


По експресното влегување во машката ракометна „ВИП Супер Лига“, РК „Зомимак М“ успеал да ги изненади сите и во првата година од влегувањето во најсилната конкуренција успеал да го освои првото место и со самото тоа обезбедил учество во плеј-оф натпреварувањето, каде завршил како третопласиран. Паралелно со успесите во лигата, „рисовите“ со голем успех се натпреварувале и во Купот на Македонија. Тие успеале да се пласират во финалето на завршниот турнир и во Струмица да го донесат сребрениот пехар. По завршувањето на одличното трето место во „ВИП Супер лигата“, екипата на РК „Зомимак“, за првпат во својата историја, зела учество во едно европско натпреварување, Купот на ЕХФ.
Во август 2015 година, клубот во сменил своето име во Макс Струмица, откако компанијата „Макс” станала генерален спонзор.[1][2]

Во август 2016 година, клубот поради финансиски причини се распаднал и го откажал своето учество во Супер лигата.[3][4][5]

Меѓународни настапи[уреди | уреди извор]

За сезоната 2015/2016, „Зомимак М“ за прв пат обезбедил учество во лигата „СЕХА“.[6][7] Притоа, на првиот натпревар во Лигата „СЕХА“, одигран на домашен терен, РК „Макс Струмица“ одиграл нерешено екипата на РК „Војводина“, со резултат 25-25. Најефикасни во екипата на „Макс Струмица“ биле Маиќ и Чантурија, кои постигнале по девет и осум голови, соодветно.[8] Подоцна, во шестиот натпревар, одигран на домашен терен, РК „Макс Струмица“ одиграл нерешено 30-30 со „Борац“ од Бања Лука, што било второ реми во „СЕХА“ по претрпените четири порази. Во струмичката екипа, најефикасен бил Реваз Чантурија, со постигнати 13 голови.[9]

Состав[уреди | уреди извор]

  • 20МакедонијаАлександар Стојановски
  • 16МакедонијаБлагојче Трајковски
  • 12Македонија Златко Везенковски
  • 77МакедонијаСтефан Чизмовиќ
  • 40МакедонијаАлександар Восеоски
  • 15Грузија Реваз Чантурија
  • 23МакедонијаАлен Куленовиќ
  • 87МакедонијаСлавиша Димитријевски
  • 14МакедонијаМирко Мајиќ
  • 89Македонија Павле Атанасов
  • 18 Македонија Александар Ангеловски
  • 5 Македонија Игор Павловски
  • Македонија Јовица Младеновски
  • 4 МакедонијаГлуп Човек
  • 69 Македонија Мите Карајованов
  • 18 Македонија Александар Ангеловски
  • 11 СрбијаМакедонија Кире Митревски[10]

Наводи[уреди | уреди извор]

  1. Од денеска Зомимак е Макс Струмица ekipa.mk 18 август 2015
  2. Македонскиот вицепрвак со нови име ја започнува новата сезона 24rakomet.mk 19 август 2015
  3. ЗГАСНУВА МАКС СТРУМИЦА Македонски спорт 23 август 2016
  4. Преспа или Металург 2 на местото на Макс Струмица sportmedia.mk 30 август 2016
  5. БАРАЖ ЌЕ ГО ОДРЕДИ ПОСЛЕДНИОТ МАКЕДОНСКИ СУПЕРЛИГАШ 24rakomet.mk 30 август 2016
  6. Дефинитивно: Зомимак дел од СЕХА лигата во новата сезона! ekipa.mk 22 јули 2015
  7. Зомимак ќе биде дел од СЕХА-лигата во новата сезона и ќе тргне против Вардар! sportmedia.mk 22 јули 2015
  8. „Макс Струмица дебитира во СЕХА со реми“, Дневник, година XIX, број 5855, среда, 2 септември, стр. 23.
  9. „Макс Струмица ремизира со Борац“, Дневник, година XIX, број 5874, петок, 25 септември 2015, стр. 20.
  10. http://www.rkstrumica.mk/ekipa.php

Надворешни врски[уреди | уреди извор]