Пустинскиот лав (филм)

„Пустинскиот лав“ (англиски: Lion of the Desert) – филм на режисерот Мустафа Акад (Moustapha Akkad) од 1980 година, снимен по сценариото на Х. А. Л. Крег (H. A. L. Craig). Главните улоги ги играат: Ентони Квин (Anthony Quinn), Оливер Рид (Oliver Reed), Род Стајгер (Rod Steiger), Раф Валоне (Raf Vallone), Ирена Папас (Irene Papas) и Џон Гилгуд (John Gielgud). Филмот бил забранет за прикажување во Италија, каде бил прикажан на телевизијата дури во 2009 година.

Синопсис

Дејствието на филмот се одвива во 1929 година. Неколку децении по окупацијата на Либија, италијанската власт не може да воспостави целосна контрола над својата колонија. Поради тоа, Мусолини (го игра Стајгер) го испраќа својот најспособен генерал, немилосрдниот Радолфо Грацијани (го игра Рид) со цел да го скрши отпорот и да го ликвидира водачот Омар-ал-Мухтар (го игра Квин).