Птолемаида Киренска
Птолемаида Киренска (старогрчки: Πτολεμαῒς ἡ Κυρηναία) била музички теоретичар, автор на Питагорејските принципи на музиката (Πυθαγορικὴ τῆς μουσικῆς στοιχείωσις). Таа живеела можеби во 3 век п.н.е., а „сигурно не по првиот век од нашата ера“.[1] Таа е единствениот познат женски музички теоретичар од антиката.[2][3]
Животопис
[уреди | уреди извор]Речиси ништо не се знае за нејзиниот живот; нејзините дела се познати поради референците во коментарот на Порфириј за Птоломејовите Хармоники.[4] Таа има исто место на потекло (Кирена, Либија) како и Арета Киренска (филозофка од киренејската школа, чии доктрини вклучувале питагорејски елементи) и Ератостен (чии многу интереси вклучувале и музичка теорија).[5] Таа е една од неколкуте писателки поврзани со питагорејството.[6]
Творештво
[уреди | уреди извор]Во своето дело, напишано во форма на катехизам, таа коментирала за музичко-теориската дебата за правилните улоги на разумот и сетилно искуство во проучувањето на музиката. И покрај нејзината очигледна приврзаност кон питагорејството, школа чии теоретичари (канониците) ја ставале музиката на рационална и математичка основа, нема видливо непријателство во нејзините цитати на емпиристите следбеници на Аристоксен (музиките); можеби методолошката поделба не била толку апсолутна за време на нејзиниот период или од нејзина гледна точка.[7] Птолемаида исто така се повикува на музиколозите кои им давале подеднакво значење на перцепцијата и разумот, претпочитајќи да го гледа самиот Аристоксен (наспроти неговите следбеници) во оваа светлина, па дури и нагласувајќи ја компатибилната улога на перцепцијата во Питагорејската теорија.[2]
Белешки
[уреди | уреди извор]- ↑ Rocconi 2003, p. 101
- 1 2 Plant 2004.
- ↑ Laura Carolina Durán: Ptolemais of Cyrene (3rd century BC) and the Musical Theory in Ancient Greece, Mirabilia Journal, 23 April 2023, Посетено на 26 July 2024
- ↑ Rocconi 2003, p. 99
- ↑ Rocconi 2003, p. 100
- ↑ Rocconi 2003, p. 99
- ↑ Rocconi 2003, pp. 104-5
Наводи
[уреди | уреди извор]- Plant, Ian Michael, уред. (2004). Women Writers of Ancient Greece and Rome: An Anthology. Norman: University of Oklahoma Press. ISBN 978-0-8061-3621-9.
- Eleonora Rocconi, "Un manuale al femminile: L'Introduzione pitagorica alla musica di Tolemaide di Cirene," in Ars/Techne, ed. Maria Silvana Celentano, Alessandria: Edizioni dell'Orso, 2003, pp. 99–114
За понатамошно читање
[уреди | уреди извор]- Ендрју Баркер, Грчки музички записи, кн. 2, Хармонична и акустична теорија, Cambridge University Press, 1989, стр. 239–242
- Флора Левин, Грчки размислувања за природата на музиката, Cambridge University Press, 2009, Поглавје 7: "Aisthēsis" и "Logos": A Single Continent"