Психро (пештера)
| Пештера Психро | |
|---|---|
 Осветлени сталагмити и сталактити во внатрешноста на пештерата | |
  Пештера Психро Пештера Психро (Грција) Пештера Психро на карта
| |
| Место | Крит, Грција |
| Координати | 35°09′46″N 25°26′42″E / 35.1629°N 25.4451°E |
Психро (грчки: Σπήλαιο Ψυχρού) — древна минојска света пештера во висорамнината Ласити во областа Ласити на источен Крит. Психро се поврзува со Диктејската или Диктајанската пештера (грчки: Δικταῖον Ἄντρον; Диктеон Антрон), едно од местата за кои се верувало дека е родно место на Зевс. Според други легендаи, родното место на Зевс било Идејската Пештера (Ἰδαῖον Ἄντρον) на планината Ида. Според Теогонија од Хесиод (477-484), Реја го родила Зевс во Ликт и го скрила во пештера на планината Егеон. Од крајот на деветнаесеттиот век, пештерата над современото село Психро се идентификува со Диктејската Пештера, иако постојат и други кандидати, особено пештерата над Палаикастро на планината Петсофас.[1]
Географија
[уреди | уреди извор]Пештерата се наоѓа во префектурата Ласити. Во минојско време, градот Малија бил најблискиот метрополитенски центар.
Мит
[уреди | уреди извор]
Диктејската пештера била позната во старогрчката митологија како местото каде што Амалтеја го хранела Зевс со козјо млеко кога тој бил бебе. Археологијата сведочи за долгогодишната употреба на местото како место за култно обожавање. Дадилката на Зевс, која била задолжена од Реја да го одгледа во тајност тука, за да го заштити од неговиот татко Крон, во некои контексти е именувана како нимфата Адрастеја.[2] Тоа е една од бројните пештери за кои се верувало дека е родно место или скривалиште на Зевс.[3] Планините, од кои е дел пештерата, се познати на Крит како Дикте.
Наводи
[уреди | уреди извор]- ↑ MacGillivray, Alexander, and Hugh Sackett. “The Palaikastro Kouros: the Cretan God as a Young Man”, p. 167, British School at Athens Studies, vol. 6, 2000, pp. 165–169. JSTOR. Accessed 22 Feb. 2021
- ↑ Bibliotheke, 1.1.6.
- ↑ William Smith, уред. (c. 1873). A Dictionary of Greek and Roman biography and mythology. John Murray.
Извори
[уреди | уреди извор]- Jones, Donald W. (1999). Peak Sanctuaries and Sacred Caves in Minoan Crete ISBN 91-7081-153-9
- Rutkowski, B., and Krzysztof Nowicki (1996). The Psychro Cave and Other Sacred Grottoes in Crete (Warsaw: Polish Academy of Science)
- Watrous, L. Vance (1996). The Cave Sanctuary of Zeus at Psychro: A Study of Extra-Urban Sanctuaries in Minoan and Early Iron Age Crete (Liège/Austin: Université de Liège / University of Texas at Austin)