Променлива ѕвезда од типот на PV Телескоп
Променлива ѕвезда од типот на PV Телескоп (PV Tel-променлива, PVTEL) — вид променлива ѕвезда според Општиот каталог на променливи ѕвезди. Класата се дефинира како „хелиумски суперџиновски Bp-ѕвезди со слаби водородни линии и засилени линии од He и C“.[1] Тоа значи дека водородните спектрални линии на овие ѕвезди се послаби отколку што би било нормално за ѕвезда од класата B, додека пак хелиумските и јаглеродните линии се посилни. Прототипна ѕвезда на оваа категорија е HD 168476, наречена и PV Телескоп, која претрпува мали но сложени колебања во сјајноста и радијалната брзина.[2] PV Tel-ѕвездите се крајно сиромашни со водород во споредба со другите ѕвезди од класата B и ја менуваат сјајноста во временски опсези од неколку часа до неколку години.[3] Во 2008 г. имало 12 потврдени PV Tel-променливи во Општиот каталог на променливи ѕвезди.[1]
Променливите ѕвезди од овој тип се делат на три различни вида зависно од спектралниот тип: тип I (доцни B-ѕвезди и A-ѕвезди), тип II (O-ѕвезди и рани B-ѕвезди) и тип III (F- и G-ѕвезди). Оние од типот III секогаш се богати со јаглерод и сиромашни со водород, додека пак оние од типовите I и II не секогаш изобилуваат со јаглерод. Поврелите типови пулсираат побрзо од постудените.[4]
Список[уреди | уреди извор]
Ова е список на избрани PV Tel-променливи од интерес за аматерската и професионалната астрономија. Освен ако не е поинаку укажано, наведените величини се во V-појасот.
| Ѕвезда |
Најг. величина |
Најм. величина |
Тип | Спектрален тип |
|---|---|---|---|---|
| Ипсилон Стрелец | 4,43 | 4,65 | I[б 1] | F2p |
| HD 182040 | 6,95 | 7,17 | III | C... |
| HM Вага | 7,42 | 7,63 | III | C |
| KS Персеј | 7,60 | 7,85 | I | A5Iap |
| PV Телескоп | 9,24 | 9,40 | I | B5p |
| BD +1 4381 | 9,47 | 9,60 | I | F |
| CD -35 11760 | 9,62 | 9,83 | I | B4Ibe |
| HD 160641 | 9,78 | 10,08 | II | sdOC9,5II-III_He40 |
| DN Лав | 9,91 | 10,00 | II | Bp |
| HD 124448 | 9,94 | 10,03 | II | B3p |
| NO Змија | 10,27 | 10,39 | I | B |
| V1920 Лебед | 10,30 | 10,41 | I | B2/3 |
| CPD -58 2721 | 10,40 | 10,60 | I | B+... |
| BD -9 4395 | 10,44 | 10,63 | II | B |
| LS IV -1 2 | 10,95 | 11,05 | I | OB+ |
Белешки[уреди | уреди извор]
- ↑ воедно и спектроскопска двојка, можеби затемнувачка
Наводи[уреди | уреди извор]
- ↑ 1,0 1,1 Jeffery, C. Simon (март 2008). „Variable Star Designations for Extreme Helium Stars“. Information Bulletin on Variable Stars. 5817 (1). Bibcode:2008IBVS.5817....1J.
- ↑ Walker, H. J.; Hill, P. W. (август 1985). „Radial velocities for the hydrogen-deficient star HD 168476, several helium-strong and helium-weak stars“. Astronomy and Astrophysics Supplement Series. 61: 303–311. Bibcode:1985A&AS...61..303W.
- ↑ Jeffery, C. S.; Heber, U. (јули 1992). „The extreme helium star BD-9 deg 4395“. Astronomy and Astrophysics. 260 (1–2): 133–150. Bibcode:1992A&A...260..133J.
- ↑ Otero, S. A.; Watson, C.; Wils, P. „Variable Star Type Designations in the VSX“. AAVSO Website. American Association of Variable Star Observers. Посетено на 19 јули 2014.
| ||||||||||||||||||||||||||||||||||||||||||||||||||||||||||||