Прибовце (Лопате)
„Прибовце“
| |
|
| |
| Местоположба | 42°08′49″N 21°40′36″E / 42.14694° СГШ; 21.67667° ИГД |
| Основни податоци | |
|---|---|
| Место | Лопате |
| Општина | Куманово |
| Тип |
|
| Период | бронзено време |
| доцноантичко време | |
| Портал „Археологија“ | |
.svg){kind=small}
Прибовце — археолошко наоѓалиште во кумановското село Лопате. Претставува населба од бронзеното и доцноантичкото време.
Местоположба[уреди | уреди извор]
Се наоѓа помеѓу селата Лопате и Бедиње, на простор од околу 800 м должина. На северната страна е опкружен со коритото на Липковска Река, на јужната со питомите ридски височинки и железничката пруга Скопје-Белград, а на останатите страни со последните селски куќи. По средината врви патот што ги поврзува селата од падините на Скопска Црна Гора со Куманово[1] (Р2133).
Ископување и наоди[уреди | уреди извор]
Во 1978 година, во текот на градежните работи од страна на фабриката за рабни цевки „11 Октомври“, се вршени заштитни ископувања во организација на Археолошкиот музеј од Скопје. Со оглед на големината на просторот и на условите за ископување, биле истражени четири работни сектора, преместени на места со поголема густина на археолошкиот материјал. Во сите сектори се откриени остатоци од големи градби, со 10 до 15 простории различни по големината и организацијата, скудно зачувани во темелите, ѕидани со речен камен и кал и многу малку со варов малтер. Без оглед на тоа што габаритите не им се утврдени, според начинот на ѕидањето, распоредот и големината на просториите и најдените археолошки предмети (фрагменти од керамички садови, железни орудија, накит и монети), се работи за помала стопанска населба од IV век.[1]
Во Секторот II, близу до коритото на реката, под доцноантичките темели се најдени многубројни керамички и други предмети од населба од средното и доцното бронзено време.
Наодите се чуваат во Музејот на Македонија во Скопје.
Поврзано[уреди | уреди извор]
Наводи[уреди | уреди извор]
- ↑ 1,0 1,1 Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 213. ISBN 9989-649-28-6.
