Преобразба

Од Википедија — слободната енциклопедија
Прејди на прегледникот Прејди на пребарувањето

Преобразба и други раскази е збирка раскази на Франц Кафка, објавена во 2007 година, во издание на „Темплум“, како 59 книга во рамките на едицијата „Магма“. Преводот од германски јазик е дело на Бисера Анастасовска и Марија Костоска.

Технички карактеристики[уреди | уреди извор]

Збирката е печатена во мал формат (18 сантиметри), во мек повез и има 313 страници. Книгата е каталогизирана во Националната и универзитетска библиотека „Св. Климент Охридски“ - Скопје и ја носи меѓународната ознака ISBN 978-9989-189-09-8. Графичкото уредување и дизајн е дело на фирмата „Точка“. Автор на предната корица е Ѓорѓе Јовановиќ, додека на задната корица е даден кус осврт врз книгата и попис на објавените книги во едицијата „Магма“. Издавањето на книгата било финансирано од Министерството за култура.[1]

Содржина[уреди | уреди извор]

Збирката „Преобразба и други раскази“ содржи 26 раскази, преземени од книгата „Раскази и друга избрана проза“ (Die Erzählungen und andere ausgewählte Prosa) од 1982 година во издание на ЌS. Fischer VerlagЌ од Франкфурт на Мајна. На крајот од книгата е дадена биографија на авторот и осврт врз неговото творештво. Во збирката се застапени следниве раскази:[2]

  • Преобразба
  • Одбивање
  • Пресуда
  • Новиот адвокат
  • Сосед
  • Во колонијата на казнетите
  • На господата јавачи, за размислување
  • Желба да се стане Индијанец
  • Излет во планина
  • Несреќата на стариот ерген
  • Селскиот лекар
  • Најблиското село
  • На изградбата на Кинескиот ѕид
  • Мелез
  • Грижата на домаќинот
  • Мала басна
  • Извештај до една академија
  • Одбивање на молбата
  • Заедница
  • Посејдон
  • Јастреб
  • Прометеј
  • Првата болка
  • Уметник во гладување
  • Откажи се!
  • Дувло

Наводи[уреди | уреди извор]

  1. Франц Кафка, Преобразба и други раскази, Темплум, Скопје, 2007.
  2. Франц Кафка, Преобразба и други раскази, Темплум, Скопје, 2007.