Пост

Пост — воздржување од храна (или само некои видови на храна) во оние денови кои се одредени според каноните односно црквата. Постот и молитвата ги осветил и ни ги подарил Господ, Исус Христос, од времето кога постеше во пустината четириесет дена и четириесет ноќи и често се повлекуваше насамо на молитва. Оттогаш па наваму, постот и молитвата во Црквата се запазуваат и се живеат како една од нашите најголеми светости.

Христијаните кои побожно и редовно го запазуваат постот, го прават тоа како подготовка за Света Причест со Телото и Крвта Христови. Најстрог пост има во Исламската вера и Православното Христијанство. Во Католичката црква, постот не е толку значителен како во православието.

Православни пости

Православната Црква има еднодневни и повеќедневни пости.

Еднодневни пости

Среда и петок (освен т.н. редовни седмици)

• Водокрст (спроти Богојавление) – 18 јануари
• Отсекување на Главата на Св. Јован Крстител – 11 септември
• Крстовден – 27 септември

Повеќедневни пости

• Велигденски пости (од 06.03 до 22.04)
• Петровденски пости (од 19.06. до 11.07.)
• Богородични пости (од 14.08. до 27.08.)
• Божиќни пости (од 28.11. до 06.01.)

Редовни седмици:

Во среда и петок се блажи во следниве седмици:

• Од Божиќ до Водокрст – од 07.01 до 17. 01
• Седмицата на митарот и фарисејот – од 12.02 до 18.02
• Месопусната седмица - од 26.02 до 04.03
• Светлата седмица - од 23.04 до 29.04
• Духовденската седмица– од 11.06 до 17.06

Надворешни врски

• За постот