Портрет на јеромонахот Самоил
 | |
| Творец | Дичо Зограф |
|---|---|
| Година | 1854 |
| Димензии | 40 см × 39 см |
| Место | Завод и музеј, Прилеп |
Портрет на јеромонахот Самоил – слика од Дичо Зограф. Сликата е темпера на гипсан грунд врз штица, со димензии 40х39 см, завршена во 1854 година. Во сопственост е на националната установа Заводот и музеј во Прилеп.[1]
Опис
[уреди | уреди извор]Во 1854 година за манастирот Трескавец го насликал портретот на јеромонахот Самоил. Во овој случај, Дичо Зограф ги прави првите отстапувања од традиционалното сликарство. Јеромонахот Самоил е стварна и современа личност со продуховен поглед и особни црти на лицето. Облечен е во монашка облека, во десната рака држи крст и бројници, а во левата отворен свиток. Амбиентот во кој е сместен ликот, отворениот свиток, ангелот во десниот горен агол и широко третираните очи, ги носат одликите на црковната уметност од XIX век. Реалистичниот пристап во обработката на лицето и настојувањето да се предаде наравот на ликот упатуваат на историскиот обид на Дичо Зограф за отстапување од образецот на црковното сликарство и претставување на стварна, современа личност.[1]
Наводи
[уреди | уреди извор]- 1 2 „МАКЕДОНСКО ПРОФАНО СЛИКАРСТВО (XIX – почеток на XX век)“ (PDF). Национална галерија на Македонија. 2013. Посетено на 16 јануари 2025.