Полска повивка

Полска повивка
Научна класификација
Царство:	Растенија
Нерангирано:	Скриеносемени
Нерангирано:	Евдикотиледони
Нерангирано:	Астериди
Ред:	Зрнцовидни
Семејство:	Повивки
Род:	Повивка
Вид:	Полска повивка
Научен назив
Convolvulus arvensis Л.

Полска повивка (лат. Convolvulus arvensis) е вид на повивка која расте во Европа и Азија. Ова е повеќегодишно тревесто растение кое расте од 0.5–2 m во висина. Листовите му се спирално подредени, линерани до стрелести, со должина од 2–5 cm, со дршки од 1-3 см. Цветовите му се во облик на труба, со пречник од 1-2,5 см, бели или светло розови, со пет малку потемно розови радијални пруги.

Цвет со црвени грини

Convolvulus arvensis

Постојат два вариетета:

• Convolvulus arvensis сорт. arvensis. Пошироки листови. Ова е широко распространето низ Македонија.
• Convolvulus arvensis сорт. linearifolius. Потесни листови.

Иако дава убави цветови, повивката се смета за непожелно растение и коров заради нејзиниот забрзан раст и со тоа ги гуши сите останати растенија. Ова растение е донесено во Северна Америка, каде претставува инвазивен вид во некои подрачја. Таму расте во густи покривки и навлегува во полињата, со тоа намалувајќи го приносот; само во 1998 ова растение направило штета на американското земјоделство во износ од $377 милиони.

Во Македонија

Расте покрај патишта, железнички пруги, на плочници, тревници, тротоари, како плевел во ниви и лозја, по брдски пасишта и на други места. Се посочува дека расте на голем број локалитети низ Македонија: Битолско, Струмичко, Крива Паланка, Скопје, Водно, Алшар, Прилеп, Богданци, Валандово, Тетовско, покрај реката Вардар од Велес до Гевгелија, и на други места.

Надворешни врски

• Опширен профил на полската повивка (Convolvulus arvensis) (англиски)
• Blanchan, Neltje (2002). Wild Flowers: An Aid to Knowledge of Our Wild Flowers and Their Insect Visitors. Фондација на книжевниот архив на проектот Гутенберг.
• Европска флора: Convolvulus arvensis (англиски)
• Кинеска флора: Convolvulus arvensis (англиски)