Архиепископ Охридски и Македонски

Архиепископ Охридски и Македонски — титула која е дадена на поглаварот на Македонската православна црква - Охридска Архиепископија. Поглаварот на МПЦ, покрај оваа официјална титула, ја носи и титулата Господин Господин и најчесто следи веднаш по официјалната титула и е во вид на кратенка. Така, при формално обраќање, сегашниот поглавар на МПЦ се именува како Архиепископ Охридски и Македонски г.г. Стефан. При неформално обраќање, официјалната титула се изоставува и кон поглаварот се обраќа со титулата Неговото блаженство, па така имаме Неговото блаженство г. г. Стефан.

Историја

Термините „архиепископ“ и „Охридски“ се однесуваат на средновековната македонска црква Охридска архиепископија, каде МПЦ се смета за директен наследник на истата. Во средновековието, архипископите на Охридската архиепископија се именувале како Охридски архиепископ. По возобновувањето на истата во лицето на МПЦ, се додал и зборот „Македонска“.

Архиепископи

#	Поглавар	Име	Крстено име	Датум и место на раѓање	Возраст на почеток/крај на поглаварството	Белешки
1	4 октомври 1958 – 20 мај 1981 (&1000000000000002200000022 години и &10000000000000228000000228 дена)	Доситеј II (1906–1981)	Димитар Стојковски	7 декември 1906 Маврово, Гостиварско, Отоманско Царство	51 / 74	Прв архиепископ на возобнената Македонска православна црква - Охридска Архиепископија и, според МПЦ-ОА, наследник на Арсениј II. Под негово раководство, на Третиот црковно - народен собир, одржан на 18 јули 1967 година, МПЦ-ОА е прогласена за автокефална црква.
2	18 август 1981 – 15 јули 1986 (&100000000000000040000004 години и &10000000000000301000000301 дена)	Ангелариј (1911–1986)	Цветко Крстески	25 март 1911 Долнени, Прилепско, Отоманско Царство	70 / 75	г.г. Ангелариј загинал во сообраќајна несреќа во Дреновската клисура.
3	4 октомври 1986 – 9 јуни 1993 (&100000000000000060000006 години и &10000000000000248000000248 дена)	Гаврил II (1912–1996)	Ѓорѓи Милошев	17 април 1912 Скопје, Отоманско Царство	74 / 81 (†83)	Архиепископот ја обновил древната традиција на фрлање крст во реката Вардар. Во 1990 година, го промовирал капиталното дело македонскиот превод од Библијата. Прв архиепископ кој раководел со МПЦ-ОА во Република Македонија. Се повлекол од престолот во 1993 година поради старост.
4	21 декември 1993 – 6 јуни 1999 (&100000000000000050000005 години и &10000000000000167000000167 дена)	Михаил (1912–1999)	Методи Гогов	20 мај 1912 Ново Село, Штипско, Отоманско Царство	81 / 87	Со 81 година, г.г. Михаил е најстариот архиреј кој станал архиепископ на МПЦ-ОА, како и архиепископ со најдолг животен век. Прв архиепископ кој е избран во Република Македонија. Му било понудено местото претседател на Република Македонија.
5	10 октомври 1999 – денес (&1000000000000002500000025 години и &10000000000000226000000226 дена)	Стефан (1955)	Стојан Вељановски	1 мај 1955 Добрушево, Битолско, НР Македонија	44	Со 44 години, г.г. Стефан е најмладиот архиреј кој станал архиепископ на МПЦ-ОА, како и архиепископ со најдолго владеење со МПЦ-ОА. Прв архиепископ на автокефална МПЦ-ОА. Прв архиреј кој е роден во слободна Македонија.

Временска линија

Поврзано