Пешачење во трговски центар

Група пешаци во трговскиот центар во The Shops at Iverson во Мериленд, во 2011 година

Пешачењето во трговски центар е форма на вежбање каде што луѓето одат или џогираат низ вообичаено долгите ходници на трговските центри како замена за патека за трчање или друго место за пешачење. Голем број трговски центри се отвораат рано за луѓето да можат да шетаат низ нив; продавниците и слични такви бизниси генерално не се отвораат толку рано, иако се достапни автоматите и нивните производи. Многумина избираат да шетаат во трговски центар бидејќи внатрешната клима е безбедна и имаат пристап до удобности, како што се клупи, тоалети, Wi-Fi за следење фитнес статистики и пристап до медиумите, и фонтани за вода. Други пак се привлечени од шетањето во трговскиот центар поради можноста да ги гледаат останатите посетители на трговскиот центар. Освен тоа, чистите и рамни површини обезбедуваат безбедно опкружување за пешачење.

Пешачењето во трговскиот центар може да е поединечно, во групи или како дел од организирана програма за одење во трговски центар. Шетањето по трговски центри во САД е особено популарно меѓу постарите граѓани. Многумина пешачи во трговски центри го наведуваат другарството на одење во групи.

Во популарната култура

Шетањето во трговскиот центар било прикажано во телевизиското шоу „Подобро да го повикате Саул“ (Better Call Saul) на епизодата 9 од 3-та сезона, наречена „Есен“. Често се шетале во нормални панталони.

Надворешни врски

• „Уметноста на одење во трговски центар“, Ени Бакстер, Јавно радио на Минесота