Петнаесетгодишен капетан

Петнаесетгодишен капетан
Автор	Жил Верн
Изворен наслов	Un capitaine de quinze ans
Илустратор	Анри Мејер
Земја	Франција
Јазик	Француски
Серијал	Необичните патувања бр. 17
Жанр	Авантуристички роман
Издавач	Пјер-Жил Ецел
Издадена	15 декември 1878
Издадена на англиски	1878
Медиум	Печатено (тврд повез)
Претходна	Црна Индија
Следна	500 милиони на бегумата

Петнаесетгодишен капетан (француски: Un Capitaine de quinze ans) — наслов на роман од Жил Верн. Книгата ги следи настаните на петнаесетгодишниот Дик Сенд. Била напишана во 1878 година.

Содржина

Петнаесетгодишниот Дик Сенд е морнар на бродот „Пилгрим“, китоловец што секоја година патува до Нов Зеланд. По лошата сезона на лов, на пат кон Сан Франциско, капетанот Хал забележува брод кој доживеал бродолом од кој се спасени пет мажи и едно куче. Неколку дена подоцна, капетанот Хал умира заедно со својот екипаж додека се обидува да улови кит. Дик Сенд ја презема командата со бродот. Покрај него, на бродот има уште петмина бродоломци: г-ѓа Велдон, сопругата на сопственикот на китоловецот, нејзиниот син Џек, нејзиниот братучед Бенедикт, дадилката Нан и готвачот Негоро. Дик Сенд се обидува да го донесе бродот до јужноамериканскиот брег, поточно до Валпараисо, пристаниште во Чиле, но низа несреќни околности го спречуваат во тоа. По патување од неколку недели, бродот се насука на брегот на она што бродоломците првично го сметале за Јужна Америка. На тој брег, Негоро си оди по својот пат, а Дик Сенд и неговата група наскоро го среќаваат Американецот Харис. Тој ветува дека ќе ги однесе до населбата Сан Фелисе, но не по должината на брегот, туку по патека низ шумата. Дик Сенд и г-ѓа Велдон сè повеќе се сомневаат во добрите намери на Харис бидејќи забележуваат дека пределот не личи на Јужна Америка, туку на Африка. По некое време, Харис ги напушта, односно бега од нив бидејќи сфаќа дека го проѕреле. Неколку дена подоцна, трговците со робови ги заробуваат сите отпадници, освен најсилниот меѓу нив, Херкулес, кој успеал да избега. Нивното заробување го организирале Харис и Негоро, агенти на трговецот со робови Хозе Антонио Алвез. Тие се однесени во Касонда за да бидат продадени како робови. Четири црнци, Актеон, Бет, Том и Остин, биле продадени и однесени во Источна Африка, додека г-ѓа Велдон, Џек и Бенедикт биле однесени во продавницата на Алвез. Херкулес му помогнал на Дик Сенд да избега од заробеништво, а подоцна ја ослободил г-ѓа Велдон и нејзиниот син Џек. По враќањето на брегот на Ангола, наишле на колиба во која бил убиен Самуел Вернон, поранешниот сопственик на кучето Динго. Таму, Негоро го убил Динго, а Херкулес го убил Негоро. Потоа се вратиле во Соединетите Држави, а неколку години подоцна, Џејмс В. Велдон, сопругот на г-ѓа Велдон, ослободил четири црнци кои биле робови на Мадагаскар.