Петар Мирчевски

Од Википедија — слободната енциклопедија
Прејди на прегледникот Прејди на пребарувањето
Петар Мирчевски
Роден 11 ноември 1956
Крушево
Националност Македонец
Познат по улогата во:
Пред дождот
Контакт
Сенки
Занимање глумец

Петар Мирчевски (роден на 11 ноември 1956 во Крушево) — македонски театарски, филмски и телевизиски глумец.

Животопис[уреди | уреди извор]

Мирчевски е роден во 1956 година во Крушево. Кај блиските е познат и по прекарот Пепи Пивцето кој го добил во средношколските денови, за време на учеството во една работна акција. Неговите двајца сина Филип и Мартин продолжиле по стапките на таткото, работејќи како глумеци во Народниот театар во Битола.[1] Дипломирал на ФДУ во Скопје, отсек глумецска игра. По дипломирањето во 1979 година станал член на битолскиот театар. Тој е еден од најангажираните и најекспонирани глумеци, не само во историјата на битолскиот театар, туку и пошироко во Македонија. Покрај настапите во својата матична куќа, Мирчевски бил чест гостин и на сцената во Прилеп.

Театарска кариера[уреди | уреди извор]

Во својата кариера, Мирчевски играл во околу 150 претстави.[1] За своите улоги, тој е добитник на повеќе награди, како: „4 Ноември“, „Млад борец“, „Војдан Чернодрински“ (трипати), Екрановата награда, „Златна маска“ на Охридско лето и наградата за животно дело „Петре Прличко[2]. Во 2011 година ја добил наградата на театарскиот фестивал „Денови на Нушиќ“ кој се одржал во Смедерево, Србија.[3]

Во 2019 година, Мирчевски ја добил наградата „11 Октомври“ за животно дело.[4][5]

Филмографија[уреди | уреди извор]

Покрај настапите во театарот, Мирчевски остварил и плодна телевизиска и филмска кариера:

Петар Мирчевски настапил и во турската ТВ-серија „Збогум, Румелија“, која се снимала на неколку локации во Македонија (Битола, Охрид и селото Маково во Мариово) во периодот од 2007 до 2009 година. Во серијата го толкувал ликот на бугарскиот трговец со тутун Петрус ефенди, а во серијата се појавува во околу триесетина епизоди.[1]

Наводи[уреди | уреди извор]

  1. 1,0 1,1 1,2 Жанета Здравковска, „Учев турски само за улогата во Збогум, Румелија“, Антена, број 868, 13.2.2015, стр. 8-9.
  2. "Петар Мирчевски ја доби наградата „Петре Прличко"". Утрински весник. петок, 26 декември 2008. Посетено на 2011-04-14. Check date values in: |date= (help)
  3. "Петар Мирчевски награден на театарскиот фестивал во Србија". Курир. Четврток, 14 Април 2011 16:27. Посетено на 2011-04-14. Check date values in: |date= (help)
  4. „11 ОКТОМВРИ“ ЗА ЖИВОТНО ДЕЛО ЗА ПЕПИ МИРЧЕВСКИ, ДИМИТРИ ДУРАЦОСКИ И ЉУПЧО КОЦАРЕВ на семрежното место на САКАМ ДА КАЖАМ
  5. „Награда за животно дело за глумецот Мирчевски“, Слободен печат, година VII, број 1783, стр. 17.

Надворешни врски[уреди | уреди извор]