Петар Андоновски

Петар Андоновски
Петар Андоновски на првиот Фестивал на проза, Куманово, мај 2022 година
Занимање	писател
Националност	Македонец
Народност	Македонец
Образование	Филолошки факултет „Блаже Конески“, Универзитет „Св. Кирил и Методиј“

Петар Андоновски — македонски писател.

Животопис

Петар Андоновски е роден на 27 јануари 1987 година во Куманово. Тој дипломирал на Катедрата за општа и компаративна книжевност на Филолошкиот факултет „Блаже Конески“ при Универзитетот „Св. Кирил и Методиј“ во Скопје. За романот „Телото во кое треба да се живее“, тој ја добил наградата Роман на годината на Утрински весник за 2015 година. За романот „Страв од варвари“ тој ја добил Европската награда за литература за 2020 година. Андоновски преведува од грчки јазик.

Творештво

Андоновски дебитирал на книжевната сцена со делото „Очи со боја на чевли“ со кое влегол во најтесниот избор за наградата „Роман на годината“ на Утрински весник. Во 2015 година, во издание на „Или-или“ излегло неговото второ дело, романот „Телото во кое треба да се живее: токсични цветови на деликатниот морал“. За овој роман Андоновски ја добил наградата „Роман на годината“ на Утрински весник за 2015 година.

Дела

• Ментален простор (2008, поезија),
• Очи со боја на чевли (2013, роман),
• Телото во кое треба да се живее (2015, роман),
• Страв од варвари (2018, роман),
• Лето во кое те нема (2020, роман).
• Не кажувам (2023, роман).

Награди

• Роман на годината за романот Телото во кое треба да се живее 2015 година;
• Европската награда за литература за романот Страв од варвари, 2020.

Наводи

Македонска книжевност