Партениј Зографски (манастир)

Од Википедија — слободната енциклопедија
Ова е статија за манастир. За деецот со исто име видете Партениј Зографски
Партениј Зографски
Информации
Манастир на:МПЦ - ОА
Основан2001
ЕпархијаСтрумичка
Цркви„Св. Марија Магдалена“,
„Св. Максим Исповедник и Св. Григориј Палама“ и
„Св. Царско Семејство Романови“
Личности
Основач (и)Струмички митрополит Наум
Игуменсестра Февронија
Важни личностиПартениј Зографски
Место
МестоСтар Дојран, Општина Дојран, Македонија Македонија
Координати41°11′16″N 22°43′11″E / 41.18778° СГШ; 22.71972° ИГД / 41.18778; 22.71972Координати: 41°11′16″N 22°43′11″E / 41.18778° СГШ; 22.71972° ИГД / 41.18778; 22.71972
Видливи остатоци3 цркви, конак
Отворен за јавностаделумно

Партениј Зографски претставува женски манастирски комплекс во Стар Дојран. Основан е во 2001 година од страна на Струмичкиот митрополи Наум. Посветен е на големиот македонски светогорски монах од манастирот Зограф, еден од најобразуваните Македонци во XIX век и еден од најголемите ерудити на Балканот воопшто во тоа време, прв македонски епископ хиротонисан од Патријаршијата, преродбеник, поборник за воведување на црковно-словенскиот јазик во богослужбите, учебникар, писател и учител којшто го вовел македонскиот народен јазик во училиштата, проповедник и духовник.

Објекти[уреди | уреди извор]

Цркви[1]
Конаци
  • Главен конак - се наоѓа во затворениот дел;

Монаштво[уреди | уреди извор]

Манастирот е женски и во него на почетокот на 2001 година од Вељушкиот манастир дошле првите две монахињи. Старешина на манастирот е сестра Февронија. Сестринството е мало и типикот на манастирот е од затворен карактер. Тоа значи дека посетителите можат да ја посетат главната манастирска црква и таа посветена на Светото Семејство Романови, додека конаците и малата црквичка посветена на св. Максим Исповедник и на Св. Григориј Палама спаѓаат во монашкиот затворен простор. Иконописот и плетењето бројанички, како и изработката на мали и уникатни монашки ракоделија е главното послушание меѓу часовите за молитвено тихување и богослужбите.

Наводи[уреди | уреди извор]

  1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.