Паркети (музичка група)

Од Википедија — слободната енциклопедија
Прејди на прегледникот Прејди на пребарувањето
Паркети
Основни податоци
ПотеклоБитолаРепублика Македонија
Жанр(ови)Гараж
Поп панк
Рок
Години активност1991 - сега
Веб-местоhttp://www.parketi.com.mk/
Членови
Сашо Паркет
Зоки Паркет
Марија Паркет
Славе Паркет
Себастијан Паркет - Симс
Некогашни членови
Гог Паркет

Паркети се панк група од Битола, Република Македонија. Формирана е во 1991 година од Сашо Паркет, Славе Паркет и Себастијан Паркет.[1] Познати се по своите настапи во живо, изгледот и смислата за хумор.

Историја[уреди | уреди извор]

Паркети биле оформени една деценија по првиот бран на панк музикта, кога веќе сè било слушнато и видено, од Sex Pistols преку Ramones, па и Шарло акробата и Пекиншка патка на просторите на Југославија. Во Битола, на крајот на осумдесетите години, постоеле само неколку „андерграунд“ бендови кои правеле своја музика и само едно подрумско диско каде не се слушало турбо фолк.[2] Со падот на Југославија, државата повеќе не ги контролирала медиумите, па започнале да се отвараат нови приватни радија и телевизии, што му отворило место на сè и на секој. На Радио Битола и на некои локални телевизии започнале да се прават топ листи на „демо“ бендови на кои секој можел да гласа за својот омилен. Паркети секогаш имале препознатлив и специфичен звук. Нивните текстови секогаш имаат рима, но, како што сакаат да кажат членовите, текстовите се „апстракни“. Пример за „апстракноста“ во текстовите е песната „Супермен“ - „Нешто лета, црвено е, дали е фен? Не е фен - тоа е Супермен“. Првиот албум го снимиле во 1996 година и е именуван „Грижа на совеста“, а вториот - „Газирана хармонија“ бил снимен во 1998 и на него бендот има различен состав, односно на местото на Сашо Паркет - вокалист е неговиот брат. Сашо се враќа во бендот на почетокот на новиот милениум.

Музика[уреди | уреди извор]

Паркети во своите песни обработуваат најразлични теми, но како што потенцираат и самите љубовните песни секогаш биле најискрени.

  • Песни без тема: „Портокали“, „Оси“, „Mуви“, „Едно млеко и едно кафе“, „Ева Мендез“, „Да ја ебам бабати на летање“ и други.
  • Песни со љубовна тема: „Бaл“, „Mислам“, „Највеќе на целиот свет“, „Maла пролет“, „Барбара“, „Песна со најубави ноти“, „На месечина те заборавив“ и други.
  • Понекогаш имало и песни кои имале допир со социјални теми и теми важни за Паркети а во таа категорија спаѓаат песните „Кафеави Џуџуња“, „Ние сакаме“, „Клара пуши трева“, „Sweet vegetarian“
  • Обработки на песни: „Ацо кабадаја“, „Шеќерна“, „Бандиера Роса“

Концерти[уреди | уреди извор]

Концертите на Паркети се секогаш оригинални и многу енергични. На нивните настапи имало сè - од моторни пили и експлицитен материјал, до кршење на картонски гитари.[2][3] До сега имаат учествувано на многу фестивали и имаат одржано неколку концерти меѓу кои најголем до сега е концертот во амфитеатарот во Хераклеја, 2009 година.[4]. Имаат оддржано и мал акустичен концерт во Домот на културата во Битола во 2011 година.

Евровизија[уреди | уреди извор]

Паркети имаат неуспешно учествувано два пати на македонскиот избор за песна на Евровизија. Првиот пат во 2008 се претставиле со песната „Strawberry“. Вториот пат, во 2010, со песната „Ти си киси феномен“ и го освоија последното место, по што изјавија дека никогаш повеќе нема да учестуваваат на изборот за песна на Евровизија.

Дискографија[уреди | уреди извор]

Изданија на „Паркети“ евидентирани од ВБУ Музички Регистар.

Наводи[уреди | уреди извор]

Надворешни врски[уреди | уреди извор]