Падалиште

Падалиште
Падалиште Местоположба на Падалиште во Македонија
Координати 41°41′9″N 20°58′32″E
Општина	Гостивар
Население	0 жит. (поп. 2002)
Шифра на КО	07060
Надм. вис.	978 м
Падалиште на општинската карта Атарот на Падалиште во рамките на општината

Падалиште — село во Општина Гостивар, во околината на градот Гостивар.

Географија и местоположба

Селото е сместено во Полог, на 20 км југоисточно од градот Гостивар.

Историја

Падалиште е старо село, тоа најпрво било македонско, но после населувањето на Албанците, Македонците се иселиле, освен два рода кои останале и потоа се исламизирале и поалбанчиле.

Демографија

Денес селото е целосно раселено.

Родови

Според истражувањата од 1940-тите родови во селото биле:

• Албанци: Марковци (14 к.) и Владовци (12 к.) првиот род се дели на Џеловци и Незировци. Овие два рода биле староседелски, тие кога се населиле Албанците најпрво го прифатиле исламот, па се поалбанчиле; Муратовци (12 к.), Али Маркут (17 к.), Гравенец (26 к.), Вајља (7 к.), Дановци (5 к.), Бајрам Османовци (2 к.), Коковци (4 к.) и Али Мурат (3 к.) сите овие родови биле доселени од разни места во северна Албанија (Љума, Љура, Матија).

Самоуправа и политика

Изборно место

Во селото постои изборното место бр. 524 според Државната изборна комисија, сместени во просториите на основното училиште.

На претседателските избори во 2019 година, на ова изборно место биле запишани вкупно 898 гласачи.

Личности

• Адмир Мехмеди (р. 16 март 1991) - швајцарски фудбалски репрезентативец и германски прволигаш;

Иселеништво

Од иселените Македонци денес се знае за следните: Сталевци (11 к.), Китановци (4 к.) и Дабевци (3 к.) иселени се во селото Железна Река. Иселени Македонци од Падалиште има и во Тумчевиште, Тетово. А исто така и во селото Бражогрнце кај Заечар (Србија).

Од Албанците се знае за следните иселеници. Селим (1 к.) и Османовци (3 к.) иселени во селото Долна Бањица.