Павел Муравски

Од Википедија — слободната енциклопедија
Прејди на прегледникот Прејди на пребарувањето
Павел Муравски
250px
фотографија од Муравски
Роден(а)Павел Иванович Муравски
јули 30, 1914(1914-07-30)
с. Дмитрашковка, Виничка област, Украински ССР (Советски Сојуз)
ЗанимањеДиригент, професор, академик
Активен период1941-денес

Павел Муравски (украински: Муравський Павло Іванович, роден 14 јули, 1914 год. во с. Дмитрашковка, Виничка област) е украински хорски диригент. Тој е редовен професор на музичката академија „П. И. Чајковски“ и почесен член во Украинската академија на науките и уметностите. Се смета за важен културен деец во својата родна земја, а неговиот труд бил одликуван со многу почести, меѓу кои орденот Херој на Украина и признанието Заслужен уметник на Украина.

Музичка академија завршил 1934 год. во Киев, а потоа бил наставник по музичко во едно средно училиште од Чернобил, каде водел неколку детски хорови. Во јуни, 1941 год. дипломирал на Киевскиот конзерваториум, а со компонирање музика започнал на Далечниот Исток, каде основал два хорски ансамбли.

По демобилизацијата, по советите од неговите поранешни учители, Муравски го формирал мешаниот хорски ансамбл „Трембита“, кој брзо прераснал во позната музичка институција низ тогашен СССР. Паралелно со водење на хорот, Павел предавал и на конзерваториумот во Лaвов. Во периодот 1964-1969 добил неколку државни награди за неговата работа. Заедно со оперскиот пејач Борис Гмирја одржале неколку концерти по класична украинска музика, вклучувајќи и композиции со мотиви од поезијата на Тарас Шевченко. Во соработка со Гмирја снимил и неколку музички дискови, кои биле пласирани во Москва, Монтреал и Париз.

Во неговиот творечки опус се вбројуваат преку 1000 музички дела, кои биле инспирирани од големите советски композитори Петар Илич Чајковски, Модест Мусоргски и Игор Стравински. На 21 ноември 2009 год. неговиот дом во родното село Дмитрашковка бил преуреден во спомен-музеј, а од 2010 год. во тоа место се одржува традиционален фестивал на кој учество земаат хорските ансамбли од околните градови.

Наводи[уреди | уреди извор]

  • Ольга Бенч «Павло Муравський. Феномен одного життя» (видавництво «Дніпро»)

Надворешни врски[уреди | уреди извор]