Пабло Пикасо

Од Википедија, слободната енциклопедија
Прејди на: содржини, барај
Пабло Пикасо
Signatur Pablo Picasso

Пабло Пикасо, формално Пабло Луис Пикасо (Малага, Шпанија, 25 октомври 1881 - Мужен, 8 април 1973) бил шпанско-француски сликар, кој се смета за еден од најголемите мајстори на уметноста во 20. век. Заедно со Жорж Брак, тој е најпознат како основач на кубизмот.

Посебно место во неговиот уметнички опус заземаат композициите „Госпоѓиците од Авињон“, „Герника“ и големата ѕидна слика во палатата на УНЕСКО во Париз. Најголемиот дел од животот го помина во Париз, оставајќи зад себе голем печат врз уметноста на 20 век.

Тој многу се соживеа со скопската трагедија од земјотресот во 1963 година и со солидарната акција за собирање уметнички дела. Тој меѓу првите се огласи, испраќајќи ја својата позната слика „Глава на жена“.

Работата на Пикасо често се категоризира во периоди.

Познати се неговиот Син период, Розов период, период под влијание на африканската уметност, аналитичкиот кубизам и периодот на синтетичкиот кубизам. Се тврди дека неговото најпознато дело е описот на бомбардирањето на Герника во Шпанија. Герника ги претставува нехуманоста, бруталноста и безнадежноста на војната. Сликата многу години била изложена во Музејот на современа уметност во Њу Јорк. Пикасо не дозволувал сликата да се врати во Шпанија сè додека таму повторно не биде воспоставена демократијата. Во 1981 Герника е вратена во матичната земја и од 1992 е една од главните атракции на Мадридскиот музеј Reina Sofia.

Умре во својата вила, во малото место Мужен, на француската ривиера.