Прејди на содржината

Ото Адо

Од Википедија — слободната енциклопедија
Ото Адо
Лични податоци
Полно име Нана Ото Адо[1]
Роден на 9 јуни 1975(1975-06-09) (51 г.)[2]
Роден во Хамбург, Западна Германија
Држава Гана Гана
Висина &100000000000001890000001,89 м
Играчки податоци
Позиција среден ред
Сегашен клуб Гана Гана (селектор)
Повлекување 2008 (33 г.)
Кариера*
Години Клуб Наст. (Гол.)
1992-1993 Брамфелдер Брамфелдер ? (?)
1993-1996 Хамбург 93 Хамбург 93 80 (4)
1996-1999 Хановер 96 Хановер 96 97 (20)
1999-2005 Борусија Дортмунд Борусија Дортмунд 75 (11)
2005-2007 Мајнц Мајнц 05 19 (0)
2007-2008 Хамбургер Хамбургер 4 (0)
Репрезентација
1999-2006 Гана Гана 15 (1)
Раководител на екипите
2022 Гана Гана
2024- Гана Гана

Нана Ото Адо (роден на 9 јуни 1975 година, во Хамбург) — гански фудбалски тренер и поранешен фудбалер, играч од средниот ред. Во моментов ја води репрезентацијата на Гана.

Биографија

[уреди | уреди извор]

Роден е во Хамбург, Западна Германија, од гански родители.[3][4]

Технички карактеристики

[уреди | уреди извор]

Играч

[уреди | уреди извор]

Својата кариера ја започнал како офанзивен играч од средниот ред, но заради одличниот дриблинг и брзината кои ги поседувал подоцна бил најчесто користен како крило, и тоа на двете страни од теренот.[5] Покрај тоа, тој бил користен и како внатрешен играч од средниот ред, па дури и како напаѓач.[5] Силен во ситуации еден на еден, со одлична физичка подготвеност и добра техника, тој бил креативен играч способен добро да центрира и да создава шанси за соиграчите;[5] иако поретко, некогаш и тој самиот знаел да ги завршува акциите и да постигнува голови.

Тренер

[уреди | уреди извор]

Како тренер Адо најчесто ја користи 4-2-3-1 формацијата и најмногу се фокусира врз дисциплина, пресинг и брза транзиција.

Клупска кариера

[уреди | уреди извор]

Почетоци

[уреди | уреди извор]

Адо ја започнал својата кариера во 1991 година во родниот град Хамбург, со екипата на Хамбургер, а потоа играл за малите екипи од градот како Брамфелдер и Хамбург 93 (1992-1996).[6]

Хановер 96

[уреди | уреди извор]

Во 1996 година, Адо преминал во екипата на Хановер 96, која во тоа време се натпреварувала во Регионалната лига Север (третото ниво во германскиот фудбал), истата од која тој во претходната сезона испаднал со Хамбург 93. Тој оставил силен впечаток постигнувајќи 7 гола во неговата прва сезона во Хановер,[7] кој во составот тогаш ги имал и идните ѕвезди Џералд Асамоа (уште еден фудбалер со ганско потекло) и Фабијан Ернст. Тимот го освоил првото место и постигнал преку 100 гола во првенството таа сезона, но потклекнал пред Енерги Котбус во плејофот за промоција во 1997 година.

Во сезоната 1997-1998, Адо одиграл 30 од 34 натпревари на својот тим во првенството и постигнал 6 гола, со што придонел за освојувањето на промоција во 2. Бундеслига. На 24 септември 1997 година, тој го постигнал својот прв гол во Купот на Германија, победничкиот во изненадувачкиот успехот со 2-1 и елиминацијата на прволигашот Минхен 1860.[8] Во својата трета и последна сезона со Хановер, тој одиграл 30 натпревари и постигнал 7 гола во 2. Бундеслига, завршувајќи како втор најдобар стрелец на „96-ките“ во првенството зад Маркус Кројц кој постигнал еден гол повеќе. Тимот за малку не успеал да избори втора последователна промоција завршувајќи на четвртото место со само еден бод зад тимот пред нив.

Борусија Дортмунд

[уреди | уреди извор]

Во летото 1999 година, Адо потпишал за Борусија Дортмунд, што му овозможува да се натпреварува во најсилната лига на Германија. Своето деби за клубот го направил на 17 септември во победата со 3-0 во гости над Минхен 1860, забележувајќи притоа и асистенција во тој натпревар за голот на Фреди Бобиќ. Пет дена подоцна, тој дебитирал во Лигата на шампионите запишувајќи уште една асистенција (повторно за Бобиќ) во победата со 3-1 на домашен терен над Боавишта. Својот прв гол како играч на Борусија Дортмунд го постигнал на 27 октомври 1999, во ремито 1-1 на домашен терен против Фејенорд во Лигата на шампионите. Својот прв гол во Бундеслигата го постигнал на 6 ноември 1999, во ремито 1-1 на домашен терен против Бајер Леверкузен. Својата прва сезона на Вестфален ја завршил со вкупно 30 настапи (22 во првенството, 5 во Лигата на шампионите, 2 во Купот на УЕФА и 1 во Лига купот) и 3 постигнати гола.

По добрата прва сезона со „милионерите“, во втората, Адо ја имал најдобрата сезона во својата кариера; тој постигнал 9 гола и имал 6 асистенции во Бундеслигата, помагајќи му на клубот да го освои третото место и да се врати во Лигата на шампионите. На 12 мај 2001 година, тој постигнал два гола првпат во својата кариера во победата со 1-4 на гости над Унтерхакинг. Во сезоната 2001-2002, Адо станал шампион во Бундеслигата, но не можел да придонесе многу за успехот пропуштајќи го поголемиот дел од сезоната поради повреда заработена во натпреварот од Лига купот на Германија против Фрајбург на 15 јули 2001. Магнетната резонанца покажала скинати лигаменти на десното коленото, поради што на 22 јули играчот бил опериран во клиниката на светски познатиот хирург специјалист за колено, д-р Ричард Стедман, во Вејл, Колорадо.[9] Адо се вратил во акција во завршницата од сезоната забележувајќи 8 настапи во првенството за идниот шампион на Германија; исто така, тој играл и во финалето на Купот на УЕФА, загубено со 3-2 од Фејенорд на 8 мај 2002 во Ротердам, заменувајќи го Евертон во 61-вата минута.[10]

Во следните сезони, повредите му прават се повеќе проблеми и бројот на настапите стануваат ограничени, така што Адо одиграл само 21 натпревар во последените три сезони во клубот. На 24 септември 2003 година, кариерата на Адо била под закана откако повторно го повредил проблематичното десно колено, по трет пат, во победата на Дортмунд со 2–1 над Австрија Виена во Купот на УЕФА.[11] Тој го започнал натпреварот, но бил заменет по само 38 минути.[12] После долга пауза од споменатата повреда, тој се вратил во акција на 29 јануари 2005 година, во натпреварот против Борусија Менхенгладбах (1-1). Својот последен натпревар за Дортмунд го одиграл на 21 мај 2005, во победата со 2-1 над Ханза Росток.

Вкупно за Борусија Дортмунд одиграл 98 натпревари и потигнал 16 голови.

Мајнц 05 и Хамбургер

[уреди | уреди извор]

На 26 мај 2005 година, Адо потпишал двегодишен договор со екипата на Мајнц 05, продолжувајќи ја својата кариера во Бундеслигата.[13] Тренерот на Мајнц, Јирген Клоп, изјавил за трансферот на Адо дека „добиле разноврсен играч од средниот ред, кој има големо искуство на меѓународната сцена пред серијата на повреди и дека клубот ќе се обиде да му пружи шанса да го достигне тоа нив повторно“.[13] Сепак, и покрај укажаната шанса Адо не успеал да импресионира, завршувајќи на клупата во последните натпревари од сезоната. По уште поразочарувачката втора сезона во која одиграл само 3 натпревари, тој го напуштил Мајнц без ниту еден постигнат гол по истекот на неговиот договор.

На 9 август 2007 година, Адо потпишал тригодишен договор со Хамбургер,[14] првично наизменично со резервите и првиот тим. Додека бил во Хамбург, Адо ги откри своите цели за Хамбургер во интервју за HSVLIVE,[15] исто така, осврнувајќи се на други теми. Во 2008 година, тој го објавил своето пензионирање од играњето фудбал на 33-годишна возраст, откако одиграл само 4 натпревари со првиот тим на Хамбургер.[16][17]

Адо играјќи за Гана на СП 2006.

Репрезентативна кариера

[уреди | уреди извор]

Иако е роден во Германија, Адо на репрезентативно ниво ја претставувал Гана седум години, почнувајќи од 1999 година.[18] Своето деби го имал на 28 февруари 1999 година, во натпревар против Еритреја добиен со 5-0 во квалификациите за Африканскиот куп на нации 2000.[19] Откако Гана се квалификувала, следната година, тој бил повикан во репрезентацијата за споменатото натпреварување, постигнувајќи го притоа и својот прв гол за „Црните ѕвезди“ за време на турнирот, во победата со 2-0 над Того во групната фаза.

Шест години подоцна, тој бил повикан во составот за Светското првенство 2006 во Германија. Тој го започнал првиот натпревар на турнирот против Чешка во Келн, кој Гана го добила со 2-0. Вториот и последен настап на првенството го имал во победата со 2-1 над САД, која на ганците им овозможила пласман во осминафиналето во кое биле елиминирани после поразот од Бразил со 3-0.

Хронологија на репрезентативните настапи

[уреди | уреди извор]
Хронологија на настапи и постигнати голови за националната селекција ― Гана
Дата Град Домашни Резултат Гости Натпреварување Голови Инфо Детали
28-2-1999АкраГана Гана5 – 0Еритреја ЕритрејаКвал. за АФКОН 2000-влегол во игра 62'
12-11-1999КаироЕгипет Египет1 – 2Гана ГанаПријателска-заменет 46'
22-1-2000АкраГана Гана1 – 1Камерун КамерунАФКОН 2000 - Прва фаза-заменет 67'
27-1-2000АкраГана Гана2 – 0Того ТогоАФКОН 2000 - Прва фаза1заменет 88'
31-1-2000АкраГана Гана0 – 2Брег на Слоновата Коска Брег на Слоновата КоскаАФКОН 2000 - Прва фаза-заменет 78'
6-2-2000ДурбанЈужна Африка Јужна Африка1 – 0Гана ГанаАФКОН 2000 - Четвртфинале-заменет 46'
9-7-2000КумасиГана Гана5 – 0Сиера Леоне Сиера ЛеонеКвал. за СП 2002-заменет 51'
8-10-2000АкраГана Гана4 – 1Зимбабве ЗимбабвеКвал. за АФКОН 2002-заменет 46'
28-1-2001КумасиГана Гана1 – 3Либерија ЛиберијаКвал. за СП 2002-добил жолт картон во 42-рата минута 42' заменет 56'
7-9-2002КампалаУганда Уганда1 – 0Гана ГанаКвал. за АФКОН 2004-
1-3-2006ФрискоМексико Мексико1 – 0Гана ГанаПријателска-
26-5-2006Милхајм на РурТурција Турција1 – 1Гана ГанаПријателска-
29-5-2006ЛестерЈамајка Јамајка1 – 4Гана ГанаПријателска-влегол во игра 84'
17-6-2006КелнЧешка Чешка0 – 2Гана ГанаСП 2006 - Прва фаза-добил жолт картон во 18-тата минута 18' заменет 46'
22-6-2006НирнбергГана Гана2 – 1САД САДСП 2006 - Прва фаза-влегол во игра 46'
Вкупно Настапи 15 Голови 1

Тренерска кариера

[уреди | уреди извор]

Адо ја започнал својата тренерска кариера во неговиот последен клуб Хамбургер во 2009 година, а потоа работел како тренер на младинскиот тим и помошник тренер до 2015 година.[3]

Во декември 2013 година, Адо бил назначен за шеф на скаут службата на ганската репрезентација пред Светското првенство 2014 и Африканскиот куп на нации 2015.[20][21]

Во април 2019 година, било објавено дека Адо ќе работи за неговиот поранешен клуб Борусија Дортмунд како „тренер на таленти“, откако претходно имал слична улога во Борусија Менхенгладбах[22] од 2017. Во декември 2020 година, тој бил унапреден во помошник тренер на тренерот на првиот тим, Един Терзиќ, кој ја презел таа улога по отпуштањето на Лусјен Фавр.[23][24] По назначувањето на Терзиќ за технички директор и назначувањето на Марко Розе за тренер, Адо ја продолжил својата работа повторно како „тренер на таленти“.

На 25 септември 2021 година, Фудбалскиот сојуз на Гана објавил дека го назначиле Адо за еден од двајцата помошници на новиот селектор на Гана, Милован Рајевац.[25] На 9 февруари 2022 година, Фудбалскиот сојуз на Гана објавил дека го назначил Адо за привремен селектор на репрезентацијата пред финалните плејоф натпревари на Гана за Светското првенство 2022 против Нигерија.[26] На 29 март 2022 година, тој ја квалификувал Гана (поради правилото за гол во гости) на Светското првенство 2022 во Катар, откако во Абуџа одиграле нерешено 1–1 (0-0 било во првиот натпревар) што било доволно за „Црните ѕвезди“ да се квалификуваат за својот четврти Мундијал во историјата.[27]

На Светското првенство 2022, Гана под водството на Адо - кој станал првиот Ганец кој играл како играч и тренер на Светско првенство[28][29] - го загубила својот прв натпревар против Португалија со 3–2, но го добила вториот натпревар во групата против Јужна Кореја со 3–2. Пет дена подоцна, Гана загубила од Уругвај и била елиминирана од турнирот уште во групната фаза.[30] Пред почетокот на Светското првенство, Адо навестил дека ќе си замине по завршувањето на Светското првенство без оглед на исходот.[31] По нивниот последен натпревар од групата, Адо поднел оставка од функцијата селектор на Гана за да се фокусира на својата улога како тренер на таленти во Борусија Дортмунд.[32][33] Адо ја открил одлуката да ја напушти функцијата селектор на Гана, посочувајќи дека одлуката всушност и не била целосно само во неговите раце.

Тренерска статистика

[уреди | уреди извор]

Репрезентации

[уреди | уреди извор]

Статистиката е ажурирана на 17 март 2025.

Гана
Сезона Репрезентација Натпреварување Пласман Учинок Голови
Одиграни Победи Нерешени Изгубени Успешност % ДГ ПГ ГР
мар. 2022 (баражи)Гана ГанаКвал. за СП 20221. место во групата Г, се квалификувале преку плејоф &100000000000000020000002 &100000000000000000000000 &100000000000000020000002 &100000000000000000000000 &0&100000000000000000000000,00 110
2022Квал. за АФКОН 2023Поднел оставка, ? во групата Е &100000000000000020000002 &100000000000000010000001 &100000000000000010000001 &100000000000000000000000 &1000000000000500000000050,00 41+3
ное.-дек. 2022Светско првенство 2022Групна фаза (4. место во групата Х) &100000000000000030000003 &100000000000000010000001 &100000000000000000000000 &100000000000000020000002 &1000000000000333300000033,33 57-2
2024Квал. за АФКОН 2025 4. место во групата Ф &100000000000000060000006 &100000000000000000000000 &100000000000000030000003 &100000000000000030000003 &0&100000000000000000000000,00 37-4
јун. 2024Квал. за СП 2026наз., 1, место во грпата И, се квалификувале &100000000000000020000002 &100000000000000020000002 &100000000000000000000000 &100000000000000000000000 &10000000000010000000000100,000 64+2
2025 &100000000000000060000006 &100000000000000050000005 &100000000000000010000001 &100000000000000000000000 &1000000000000833300000083,33 161+15
од 2022Пријателски &1000000000000001100000011 &100000000000000040000004 &100000000000000010000001 &100000000000000060000006 &1000000000000363600000036,36 1517-2
Вкупно Гана &1000000000000003200000032 &1000000000000001300000013 &100000000000000080000008 &1000000000000001100000011 &1000000000000406300000040,63 5038+12

Титули

[уреди | уреди извор]
Борусија Дортмунд
2001-2002

Наводи

[уреди | уреди извор]
  1. ↑ „FIFA World Cup Qatar 2022 – Squad list: Ghana (GHA)“ (PDF). FIFA. 15 November 2022. стр. 14. Посетено на 15 November 2022.
  2. ↑ „Otto Addo - Soccer Player - Hamburg“. www.ghanaweb.com. Посетено на 11 March 2024.
  3. 1 2 Teye, Prince Narkortu (5 April 2021). „Otto Addo: Former Ghana star and Borussia Dortmund assistant coach opens up on future“. Goal.com. Посетено на 14 May 2021.
  4. ↑ „Otto Addo“. Soccerway. Архивирано од изворникот на 21 March 2023. Посетено на 15 May 2021.
  5. 1 2 3 „Addo, Otto“. worldfootballers.com. Архивирано од изворникот на 10 June 2008. Посетено на 7 February 2008.
  6. ↑ „Otto Addo“. Kicker. Посетено на 14 May 2021.
  7. ↑ „Otto Addo - Soccer Player - Hamburg“. www.ghanaweb.com. Посетено на 11 March 2024.
  8. ↑ „DFB Pokal 1997/98 2. Runde - Hannover 2:1 1860 Munchen“. kicker. Посетено на 15 март 2026.
  9. ↑ „Injury KO for Otto Addo“. Ghanaweb. 16 July 2001. Посетено на 16 July 2001.
  10. ↑ „Feyenoord seal Uefa Cup win“. BBC. 8 May 2002. Посетено на 8 May 2002.
  11. ↑ „Otto Addo's Injury Not Career Threatening“. Ghanaweb. 30 September 2003. Посетено на 30 September 2003.
  12. ↑ „Addo's career under threat after injury“. Ghanaweb. 25 September 2003. Посетено на 25 September 2003.
  13. 1 2 „Addo joins German side Mainz“. 26 мај 2005. Занемарен непознатиот параметар |acccess-date= (help); Занемарен непознатиот параметар |publsiher= (се препорачува |publisher=) (help)
  14. ↑ „Hamburg in shock Addo swoop“. BBC. 9 August 2007. Посетено на 9 August 2007.
  15. ↑ „Es ist eine große Ehre für mich“ (германски). HSV. 27 July 2007. Архивирано од изворникот на 18 August 2007. Посетено на 27 July 2007.
  16. ↑ Gyimah, Edmund Okai (18 July 2013). „Otto Addo appointed as Hamburg Under-19 coach“. Goal.com. Посетено на 14 May 2021.
  17. ↑ Appiah, Samuel Ekow Amoasi (6 April 2021). „2006 World Cup star Otto Addo reveals the path to his coaching career at Borussia Dortmund“. Modern Ghana. Посетено на 14 May 2021.
  18. ↑ „Otto Addo living the dream with Ghana“. Ghanaweb. 18 June 2006. Посетено на 18 June 2006.
  19. ↑ „Black Stars rout Eritrea 5–0“. Ghanaweb. 1 March 1999. Посетено на 23 September 2015.
  20. ↑ „Hamburg Coach Otto Addo To Join Ghana Coaching Staff At 2014 World Cup“. sports.peacefmonline.com. 16 December 2013. Архивирано од изворникот на 25 December 2013. Посетено на 24 December 2013.
  21. ↑ Mensah, Kent (16 December 2013). „Otoo Addo to join Ghana bench at 2014 World Cup“. Goal.com. Посетено на 24 December 2013.
  22. ↑ „Borussia Dortmund welcome Ghana's Addo to coaching staff“. BBC Sport. 19 April 2019. Посетено на 23 April 2019.
  23. ↑ Appia h, Samuel Ekow Amoasi (14 December 2020). „Ex-Ghana international Otto Addo named assistant coach at Borussia Dortmund“. Modern Ghana. Посетено на 14 May 2021.
  24. ↑ „Ghana's Otto Addo named assistant coach at Borussia Dortmund“. Ghana Web. 14 December 2020. Посетено на 14 May 2021.
  25. ↑ Teye, Prince Narkortu (24 September 2021). „Ghana appoint Borussia Dortmund assistant coach Addo as new Black Stars deputy trainer“. goal.com. Посетено на 25 September 2021.
  26. ↑ „Chris Hughton appointed as Technical Advisor to new Black Stars Technical team“. Ghana Football Association. 9 February 2022. Посетено на 10 February 2022.
  27. ↑ „Nigeria vs Ghana match highlights: Black Stars qualify for Qatar 2022 with Thomas Partey goal“. BBC Sport. 29 March 2022.
  28. ↑ „Otto Addo becomes first Ghanaian footballer to qualify for the World Cup both as a player and a coach“. GhanaSoccernet (англиски). 31 March 2022. Посетено на 5 December 2022.
  29. ↑ „World Cup 2022: Otto Addo sets record after Ghana beat South Korea in Qatar“. GhanaSoccernet (англиски). 29 November 2022. Посетено на 5 December 2022.
  30. ↑ „Uruguay go out of World Cup 2022 despite 2-0 win over Ghana – as it happened“. the Guardian (англиски). 2 December 2022. Посетено на 2 December 2022.
  31. ↑ Omotto, Joel (18 October 2022). „Otto Addo: Black Stars coach hints he could leave Ghana after World Cup“. Goal. Посетено на 3 December 2022.
  32. ↑ „"Ich mag meine Rolle in Dortmund": Addo nicht mehr Trainer Ghanas“. Kicker (германски). 2 December 2022.
  33. ↑ Garrick, Omar (2 December 2022). „Addo to step down as Ghana coach after elimination“. The Athletic. Посетено на 6 December 2022.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Ото_Адо&oldid=5591439“