Остенде

Од Википедија — слободната енциклопедија
Остенде
Шеталиште на крајбрежјето во Остенде
Шеталиште на крајбрежјето во Остенде
Знаме на ОстендеГрб на Остенде
Остенде is located in Белгија
Остенде
Остенде
Местоположба во Белгија
Координати: 51°14′N 02°55′E / 51.233° СГШ; 2.917° ИГД / 51.233; 2.917
Држава Белгија
Област Фламанска
Заедница Фламанска
Покраина Западна Фландрија
ОкругОстенде
Управа
 • ГрадоначалникЈоан Ванде Ланот
Површина
 • Вкупна37,72 км2 (1,456 ми2)
Население (1 јануари 2016)
 • Вкупно70,600
 • Густина1.900/км2 (5,000/ми2)
Часовен појасCET (UTC+1)
 • Лете (ЛСВ)CEST (UTC+2)
Поштенски факс8400
Повик. бр.059
Мреж. местоwww.oostende.be

Остенде — крајбрежен град и општина во Белгија, кој се наоѓа во покраината Западна Фландрија. Се наоѓа на брегот на Северното Море. На почетокот на 2016 година, во градот живееле 70,600 жители.

Историја[уреди | уреди извор]

Почетоци и Среден век[уреди | уреди извор]

Во раните периоди, Остенде било мало село изградено на источниот крај (oost-einde) на тогашниот остров Тестереп помеѓу Северното Море и езерската плажа. И покрај тоа што било мало, селото израснало до статусот „град“ околу 1265 година кога на жителите им било дозволено да организираат пазар и да изградат пазариште.

Главен извор на приходи за жителите бил риболовот. Крајбрежјето на Северното Море отсекогаш било прилично нестабилно и во 1395 година жителите одлучиле да изградат нов Остенде позади големите насипи и подалеку отсекогаш опасното море.

15. век – 18.век[уреди | уреди извор]

Остенде на мапата на Фераис (околу 1775 г.)
Црквата „Св. Петар и Павле“

Стратешката позиција на брегот на Северното Море имало големи предности за Остенде како пристаниште но исто така се покажала како извор на проблеми. Градот бил често заземан, запустен, ограбуван и уништен од освојувачки војски. Холандските бунтовници,Гезите, ја преземале контролата врз градот. Опсадата на Остенде, 1601 до 1604, за која се вели „шпанците го нападнале несовладливото а холанѓаните го одбраниле неодбранливото“, оставила комбиниран вкупен број од преку 80,000 мртви и ранети, правјќи ја најкрвава битка во осумдесетгодишната војна. Војната била завршена со примирје неколку години подоцна. Кога примирјето се прекршило, градот станал база на дункиркските пирати.

По овој период, Остенде бил претворен во пристаниште од одредена важност. Во 1722 година, холанѓаните повторно го затвориле влезот кон најголемото светско пристаниште во Антверпен. Затоа, Остенде ја зголемил својата важност бидејќи градот обезбедувал алтернативен излез кон морето. Јужна Холандија станала дел од Австриското Царство. Австрискиот цар Карло VI му одобрил на градот трговски монопол со Африка и далечниот исток. На остендската трговска компанија и било дозволено да заснова колонии во странство. Сепак, во 1727 година компанијата била принудена да ги сопре своите активности под холандски и британски притисок. Холандија и Британија не дозволувале конкуренти на меѓународно трговско ниво. Двете држави ја сметале меѓународната трговија како „нивна“ привилегија.

Модерен период[уреди | уреди извор]

На 19 септември 1826 година локалното воено складиште експлодирало. Најмалку 20 лица биле убиени и уште 200 повредени. Богатиот кварт д'Харграс бил срамнет со земја и ретко некој објект да избегнал штета. По разурнувањето следеле болести кои дополнително го зголемиле бројот на смртни случаи.[1]

Пристаништето во Остенде продолжило да се проширува бидејќи пристанишниот док, како и собраќајните поврзувања со копното позади пристаништето биле подобрени. Во 1838 година Остенде бил железнички поврзан со Брисел. Градот станал транзитно пристаниште кон Англија во 1846 година кога првиот траект отпловил кон Довер. Многу важно за имиџот на градот било вниманието кое започнал градот да го добива од белгиските кралеви Леополд I и Леополд II. Двајцата сакале да ги трошат своите одмори во Остенде. Важни споменици и вили биле изградени за да го задоволат кралското семејство, вклучувајќи го хиподромот Велингтон на кој се одржувале коњски трки и кралските галерии. Остатокот од аристократска Белгија започнал да доаѓа во градот и набрзо Остенде станал познат како „Кралица на белгиските морски одморалишта“.

Во 1866 година Остенде било место на клучната средба на прогонетите шпанските либерали и републиканци кои поставиле рамка на големиот бунт во нивната држава, кој кулминирал со величествената револуција две години подоцна.

Остенде (заедно со речиси целата држава) бил окупиран од германските сили и користен како пристапна точка до морето за подморници и други помали морски сили во поголмиот дел од времетраењето на првата светска војна. Како последица на тоа, пристаништето било изложено на два поморски напади од страна на кралската британска морнарица.

Градот бил домаќин на сите натпревари во едрење на Летните олимписки игри 1920 кои се одржувале во Антверпен.[2] Само финалето во една дисциплина било одржано во Амстердам. Остенде исто така бил домаќин и на натпреварите во поло.[3]

Втората светска војна вклучила втора окупација од Германија во период од помалку од дваесет години; окупација која била поделлена со остатокот од Северна Европа. Двете окупации довеле до значајно уништување на Остенде. Освен тоа, другите раскошни градби кои ги преживеале војните подоцна биле заменети со објекти во модерен архитектонски стил.

Клима[уреди | уреди извор]

Остенде има морска клима, под влијанија на ветришта од Северното Море, кои ги прават летата поладни од внатрешниот дел на Европа. 24-часовни просечни температури под нулата се редок случај. Според кепеновата класификација на климата, Остенде има морска клима.[4]

Климатски податоци за Остенде
Месец Јан Фев Мар Апр Мај Јун Јул Авг Сеп Окт Ное Дек Годишно
Прос. висока °C (°F) 6.1
(43)
6.5
(43.7)
9.2
(48.6)
11.4
(52.5)
15.3
(59.5)
17.7
(63.9)
20.3
(68.5)
20.9
(69.6)
18.3
(64.9)
14.5
(58.1)
9.7
(49.5)
7.1
(44.8)
13.08
(55.55)
Прос. ниска °C (°F) 1.1
(34)
0.5
(32.9)
2.3
(36.1)
4.1
(39.4)
7.9
(46.2)
10.7
(51.3)
12.8
(55)
12.5
(54.5)
10.2
(50.4)
7.1
(44.8)
4.0
(39.2)
2.3
(36.1)
6.29
(43.33)
Прос. врнежи мм (ин) 62.6
(2.465)
44.5
(1.752)
55.0
(2.165)
45.5
(1.791)
56.2
(2.213)
66.7
(2.626)
59.2
(2.331)
57.3
(2.256)
79.9
(3.146)
78.1
(3.075)
83.9
(3.303)
73.2
(2.882)
762.1
(30.005)
Прос. бр. врнежливи денови 13 9 11 10 10 10 8 8 11 11 13 13 127
Извор: Светска метеоролошка организација (ООН)[5]

Наводи[уреди | уреди извор]

  1. THE EXPLOSION AT OSTEND, The Manchester Guardian and British Volunteer, 30 септември 1826
  2. „1920 Summer Olympics sailing“. Sports-reference.com. Архивирано од изворникот на 2011-08-31. Посетено на 22 April 2011.
  3. „1920 Summer Olympics polo“. Sports-reference.com. Архивирано од изворникот на 2009-07-05. Посетено на 22 April 2011.
  4. „Climate Summary for Ostend, Belgium“. Weatherbase.com. Посетено на 2014-02-13.
  5. „World Weather Information Service – Ostend“. United Nations. Посетено на 19 January 2011.

Надворешни врски[уреди | уреди извор]